Schlofzëmmerbléck Claire Parsons - Snow In August

Fir d'Claire Parsons war et wichteg eppes Schéines ze produzéieren am Kader vun der radio 100,7-Schlofzëmmerbléck-Commande. "Snow In August" ass en hoffnungsvollt Folk-Jazz-Lidd iwwer déi melancholesch Stëmmung, trotz der Sonn. D'Musekerin huet wärend dem Confinement iergendwéi missen u Schnéi am Summer denken.

Schlofzëmmerbléck Claire Parsons

"Eppes wat gutt deet"

Fir d'Claire Parsons war et wichteg eppes Schéines ze produzéieren am Kader vun der radio 100,7-Schlofzëmmerbléck-Commande. "Snow In August" ass en hoffnungsvollt Folk-Jazz-Lidd iwwer déi melancholesch Stëmmung, trotz der Sonn.

Eng dissonant oder duercherneen Ambiance wollt d'Claire Parsons an hirem Lidd evitéieren.

"Ech wollt e ganz kloren, friddleche Song hunn, back to the basics vun den Akkordprogressiounen hier. Iergendeppes hunn, wat einfach gutt deet".

Dat éischt Motiv vum Lidd hätt d'Musekerin op hirem Handy erëmfonnt. "Et war eng ganz kleng Melodie-Iddi, déi ech wollt op mäin Album setzen." De Rescht vum Stéck wier zimmlech séier do ronderëm entstanen. Um Text wier am meeschten geknat ginn.

Déi bedréckte Stëmmung an de leschte Wochen hätt e bësse wéi e melancholesche Wanter op d'Musekerin gewierkt.

"Ech sinn eent, wat wärend dem Wanter e bëssen aknéckt. An dëst Joer ass dat Gefill bliwwen. Et war keen normaalt Fréijoer".

Et wier eng Diskrepanz do gewiescht tëschent dem gudde Wieder dobaussen an der emotioneller Keelt vum Confinement. De Schnéi hätt sech deemno an d'Lidd geschlach.

"'Snow In August' geet dorëms, datt wann eppes geet, och erëm eppes kënnt, an et soll ee seng Hoffnung net opginn."

An der Mediathéik:

Schlofzëmmerbléck / / Jamie Reinert
Lauschteren

Méi zum Thema

Schlofzëmmerbléck Maz
Schlofzëmmerbléck

De jonker Rapper Maz ass ee vun deenen 13 Museker, déi fir den 100,7 een exklusiivt Stéck am Confinement opgeholl hunn. Enner dem Titel "What is the Meaning" huet den MC keng Angscht, Froen ze stellen.

Schlofzëmmerbléck Ryvage
Schlofzëmmerbléck

D'Spannung tëschent schéin, epesch, ästhetesch an ënnerdréckent zitt de Samuel Reinard aka Ryvage un. Op "Tulipe" schafft hie mat Knascht am Signal a liwwert e Lidd dat "donkel ass, awer net hoffnungslos".

Programm

  • Ligne 2

  • On air

    Notturno

  • Vu 6 bis 10

  • Vun 10 bis 2

  • Resonanzen

Net verpassen

Dossieren

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

  • #beethoven20

    De Jean Muller gëtt an 32 Episoden en déiwen Abléck an de Kosmos vum Ludwig van Beethoven senge Pianossonaten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen