Musek C'est Karma - Internationale Festival an EP "Amuse-Bouche"

Dëse Freiden, 13. Mee kënnt der Lëtzebuerger Elektro-Lidderschreiwerin C'est Karma hir nei EP "Amuse-Bouche" eraus. Iessen als Metapher fir d'Liewen, fir eis Zäit, fir Liewenshygiène a fir eng global Situatioun, déi net méi sécher genuch ass, fir all Besoinen ze garantéieren. Déi nei Scheif riskéiert interessant a pertinent ze ginn.

Marc Clement / cz

C'est Karma

Een Amuse-Bouche gefälleg? Mee opgepasst, datt Dir Iech net verschléckt. Op hirer neier EP benotzt C'est Karma Iessen als Metapher - fir d'Liewen, fir eis Zäit, eisen Ëmgang mat Politik a Sozialem. Dobäi fäert si net, staark Sounds anzesetzen. D'Gittar trëtt zeréck, d'Elektronik kënnt no vir, an d'Zaitgeschéie steet am Brennpunkt, mat Theeme wéi Fraerechter, sozial Ongerechtegkeeten, an d'Erwuesseginn als Member vun der Generatioun Z.

Den Timing sëtzt: een Dag virun hirem Optrëtt um "The Great Escape" Showcase-Festival zu Brighton bréngt C'est Karma hir EP "Amuse-Bouche" eraus.

De Festival wier eng schéi Geleeënheet sech ze vernetzen, nei Leit kennenzeléieren, a Leit erëmzegesinn, déi duerch d'Pandemie fortgeréckelt waren, esou déi 20 Joer jonk Lidderschreiwerin Karma Catena. Hiert Talent war och eleng mat der akustescher Gittar ville Leit evident - elo schäerft a verfeinert sech hir Stëmm.

Zu Hamburg, zu Wuppertal, a mat zwee Produzenten un hirer Säit goufen d'Songs "Bubblegum", "Bread", "Spaghetti on Repeat", "Gâteaux", "Coffee" a "Popcorn" opgeholl. Dat Neist dovunner, "Coffee" ass um Sprong fir op Amsterdam entstanen, wou d'Karma elo kulturell a literaresch Analys studéiert. "Wéi Konscht, Kultur a Soziales zesummenhänken", wëll si erfuerschen. "Et ass grad eng ganz opreegend Zäit."

Geschwë geet et nees an de Studio, fir nei Musek ze schreiwen, fir eventuell Enn des Joers méi eng grouss Sammlung erauszebréngen. Wië C'est karma net well duerch Europa noreesen, ka si och geschwënn zu Lëtzebuerg erliewen: Rendezvous den 30. Juli bei de Congés annulés an de Rotonden.

An der Mediathéik:

Musek Aktuell / / Marc Clement
Lauschteren

Méi zum Thema

C'est Karma - Spaghetti On Repeat
Made in Luxembourg

D'Lidd ass eng Ode u Pasta a Kapitalismuskritik an engem. D'Nuddel als Symbol fir d'Resignatioun vun enger Fra déi hiert Liewe laang geschafft huet, ouni op der sozialer Lieder no uewen ze kommen.

Claire Laffut
Claire Laffut - Bleu

D'Claire Laffut huet hiren Debutalbum erausbruecht. "Bleu" geet vun Indie bis Dance-Pop, mat Perkussiounselementer a kloer feministeschen Aussoen an ass eng Rees duerch d'Karriär vun der Musekerin.

Net verpassen

  • Rapport d'activités 2021

    Banner.jpg

    De Rapport d'activités 2021 vum radio 100,7 ass verëffentlecht ginn. E gëtt en Abléck an d'Aktivitéite vun de verschiddene Servicer a Redaktiounen am leschte Joer.

Programm

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen