Rap op Lëtzebuergesch Ausser Otem am Studio
"Wat Rap" heescht dem Tommek säin neien Album, deen den 1. Mee erauskoum. Et spiert een eng Aggressivitéit duerch déi 16 Tracks. Hien hätt wéilten d'Live-Energie bei der Produktioun afänken, seet de Rapper.
Den Titel vum Album "Wat Rap" wier eng Fro, seet den Tommek: "Wat ass Rap hei zu Lëtzebuerg?" Hie géif vill ze dacks héieren, datt Lëtzebuerger Musek "net feierbar" wier. Säin neien Album wier "eng héich duerchproduzéiert Äntwert op déi domm Fro.
Dat ganzt Gespréich:
Dat wier awer net d'Theema vum Album. Et géif ëm positiv Saache goen, seet den Tommek. Trotzdeem zitt sech eng gewëss Aggressivitéit duerch déi 16 Tracks. Hien hätt wéilte Lidder maachen, déi vill Energie hunn. "Heiansdo si mir en Tour duerch de Studio gelaf, fir datt mir ausser Puste sinn, fir en Take opzehuelen." Den Album wier entstanen, "fir d'live Concerten opzepeppen."
Um Virgänger "Tëschent Humor a Wouerécht" huet de Rapper méi konkret Geschichten erzielt. Déi nei Lidder sinn aus Textfatzen zesummegesat, déi hire Sënn net einfach offenbaren. Dat géif dru leien, datt alles méi vun der Long op d'Zong entstane wier. "Zum Beispill no Concerte sinn ech heem gefuer an hunn nach eng Demo opgeholl. Oder moies no enger Nuecht mat Kolleegen ... zack op de Laptop." Hien hätt manner op e Blat geschriwwen, dofir géifen d'Texter méi fragmentéiert kléngen.
Den Tommek huet mat ganz ënnerschiddleche Produzente geschafft. Nieft Kolleegen aus dem Stayfou-Kollektiv sinn zum Beispill och Kollaboratioune mam Sacha Hanlet alias Them Lights um Disk ze fannen.
An der Mediathéik:
LauschterenMéi zum Thema
"E Soundtrack vun enger Welt, déi aus de Fuge geréit"
D'Spannung tëschent schéin, epesch, ästhetesch an ënnerdréckent zitt de Samuel Reinard aka Ryvage un. Op "Tulipe" schafft hie mat Knascht am Signal a liwwert e Lidd dat "donkel ass, awer net hoffnungslos".
Napoleon Gold - Room 224
D'Zëmmer 224 vum Napoleon Gold sengem Sunset Motel waart drop, vun Iech entdeckt ze ginn. Eng Commande am Kader vun der 100,7-Aktioun-Schlofzëmmerbléck.
"An enger Emotioun oder enger anerer Persoun hirem Charakter erdrénken"
Enn Mee bréngt déi Lëtzebuerger Musekerin hiert neit Wierk "In Geometry" eraus. Eng Konzeptplack, déi sech mat Formen allerhand beschäftegt. Déi éischt Single "No Shape" ass dat eenzegt Lidd, dat sech net an dës Iddi afüügt.
Melancholesch a minimalistesch Andréck aus der eideler Wunneng
"Esprit de corps" gouf ganz eleng konzipéiert a produzéiert. Déi spartanesch Klang-Ästhetik huet sech aus den technesche Limitatiounen eraus erginn a presentéiert den islännesch-lëtzebuergeschen Duo an hirer réier Pracht.
