Claire Parsons Single "An enger Emotioun oder enger anerer Persoun hirem Charakter erdrénken"

Enn Mee bréngt déi lëtzebuerger Musekerin hiert neit Wierk "In Geometry" eraus. Eng Konzeptplack, déi sech mat Formen allerhand beschäftegt. Déi éischt Single "No Shape" ass dat eenzegt Lidd, dat sech net an dës Iddi afüügt.

Jamie Reinert / cz

Claire Parsons 1 - Eric Engel Photography
Foto: Eric Engel

Den Text wier ëmmer dat lescht Element am Schreifprozess, esou d'Claire Parsons. Wa bis d'Musek prett wier, da géing d'Aarbecht ufänke fir déi abstrakt Emotioun aus der Musek a Wierder ze faassen. Eng Geschicht ze erzielen. D'Lyrics fir déi éischt Single vum neien Album "In Geometry" wiere kuerz virun der Opnam am Studio entstanen. "D'Lidd geet ëm eng Persoun oder Emotioun an där een erdrénke kann. Wéi engem säi Charakter vun aneren geformt ka ginn. En erdréckend Gefill, wat ee vläicht a Partnerschaften erëmfënnt."

D'Musek um Album dréit sech wéi den Numm et seet ëm Geometrie. "All d'Stécker sinn un iergendenger Zort vu Geometrie orientéiert, an der Struktur zum Beispill". Wéi Radiohead et ënner anerem mam Lidd "The Pyramid" et 2001 gemaach hätten. E Stéck, dat fir seng komplex Taktaart bekannt ass. D'Texter géinge Liewenssituatiounen a Momenter beschreiwen, déi si erlieft. D'Claire Parsons hätt awer ëmmer probéiert iwwer d'Geometrie déi ëmzesetzen. Allerdéngs hätt déi spezifesch Emotioun, déi si am Stéck "No Shape" ausdrécke wollt keng Form. "Et ass deen eenzege Song um ganzen Album, dee keng Form huet", geckst d'Claire Parsons.

Op "In Geometry" gëtt d'Musekerin vum Gittarist Eran Har Even, de Batteur a Pianist Jérôme Klein, de Bassist Pol Belardi a Batteur Niels Engel begleet. D'Aarbecht un der Preproduktioun an de Kompositioune wier zesumme mam Charel Stoltz geschitt. "Vu datt mer all esou verspreet an e chargéierte Programm hunn, hunn ech relativ vill vun den Arrangementer fäerdeg gemaach, éier mer an de Studio gaange sinn." Et hätt een drop opgepasst ze kucken, wat d'Lidd bräicht. "Net méi an net manner", esou d'Claire Parsons.

"In Geometry" kënnt den 29. Mee um Label Double Moon Records eraus.

An der Mediathéik:

Backstage / / Jamie Reinert
Lauschteren

Méi zum Thema

(de g. à dr.) Anouk Agnes, conseillère économique du Premier ministre ; Xavier Bettel, Premier ministre, ministre d'État ; Paul Konsbruck, chef de cabinet du Premier ministre ; Dan Kersch, Vice-Premier ministre, ministre des Sports, ministre du Travail, d
Sozialdialog

​D'Gewerkschaften an d'Patronat waren den Donneschdeg vun der Regierung an d'Schlass vu Senneng invitéiert ginn, fir a separate Gespréicher iwwer den ekonomeschen a sozialen Impakt vun der Corona-Kris ze schwätzen.

Programm

  • Notturno

  • On air

    Virum Dag

  • Moies-Magazin

  • Iwwer Mëtteg

  • Generatiounen

Praktesch Infoen

  • 3.6. Generatiounen

    3.6. Generatiounen

    Manner Kalorien, Orchester an Danzmusek mam René de Bernardi an "The Sound of Music"

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen