Lockdown an der Kultur Alternativ Concertsformen an der Philharmonie
Wéinst der héijer Zuel un Neiinfektioune mam Coronavirus mussen och d'Concertshaiser bis op d'mannst de 15. Dezember zoubleiwen. D'Philharmonie probéiert de Kontakt mam Public trotzdeem bäizebehalen. Den Owend um 8 iwwerdréit de radio 100,7 live aus der Philharmonie.
Nodeems d'Regierung nei Corona-Mesuren annoncéiert hat, huet d'Philharmonie annoncéiert, datt bis de 15. Dezember sämtlech Concerten ofgesot sinn.
De Kontakt mam Public gëtt allerdéngs net ganz ofgebrach. Grad wéi am Fréijoer proposéiert d'Concertshaus erëm alternativ Concertsformen, erkläert d'Tiffany Saska, Pressespriecherin vun der Philharmonie.
Mir versichen natierlech iwwer beispillsweis d'digital Medien online mat de Melomanen ënner eis a Kontakt ze bleiwen. D'Leit wëllen och weiderhin Zougrëff zur Kultur hunn. Do si Saache geplangt, beispillsweis wäert den OPL ee Concert spillen, deen dann och soll bei Iech op der Antenn iwwerdroe ginn. Esou gëtt da versicht, wierklech de Kontakt ze halen, an och mat klenge Videoe mat de Museker de Leit d'Freed un der Musek ze vermëttelen.
Den Owend, 3. Dezember, um 8 Auer iwwerdréit de radio 100,7 live aus der Philharmonie. Um Programm: "Apollon Musagète" vum Igor Strawinsky an och de populäre Geieconcerto vum Felix Mendelssohn Bartholdy, dirigéiert vum Gustavo Gimeno.
Méi zum Thema
Analys
Nei Corona-Mesurë fir 20 Deeg
Mam Zil fir d'Neiinfektioune mam Coronavirus ze reduzéiere wëllt d'Chamber muer nei Restriktioune stëmmen. Déi gëlle vun dësem Donneschdeg u wärend knapp dräi Wochen. Eng Analys mam 100,7-Chefredakter Jean-Claude Franck.
Live aus der Philharmonie
De Philharmoneschen Orchester Lëtzebuerg interpretéiert dem Beethoven seng 6. Sinfonie "Pastorale" ënner der Direktioun vum Gustavo Gimeno. Lauschtert de Live-Matschnëtt nach bis den 18. Juli hei.
