Sample vun der Woch Aaron Neville - Hercules

Dem Aaron Neville sain Lidd "Hercules" huet eng onverkennbar Bassline. Obwuel d'Lidd et net op eng Plack gepackt huet, schafft et et finalement an den 90er op verschidde Kompilatiounen a gëtt och gesampelt.

Bobby Bieles / cbi

e36.jpg

Dës onverkennbar Bassline staamt vum Aaron Neville sengem Lidd "Hercules". Dat ass 1973 erauskomm. Den Neville huet an den 50er Joren zu New Orleans als RnB Sänger ugefaangen. Wéinst e puer Problemer mam Gesetz hat hien seng éischt Succèsen an den 70er Joren. Hien hat den Duerchbroch zesummen mat sengen Bridder an den "Neville Brothers".

Seng Musek ass eng Mëschung vun New Orleans Funk an RnB. Säin Markenzeechen ass eng onverwiesselbar smooth, mee staark Stëmm. Hien erzielt hei a sengem Lidd vun engem Mann, dee säi Bescht mécht fir d'Stroossen clean ze halen. Den Kontrast vum Neville senger Stemm an der aggressiver Bass gëtt dem Lidd eng gutt Dynamik.

Hercules ass en Lidd, dat et leider op keen Album geschafft huet. Et ass wéinst techneschen Problemer och net op Plack erauskomm, et sinn trotzdeem e puer iwwerdeiert Promo-Placken um Internet ze fannen. D'Lidd schafft et finalement an den 90er op verschidden Kompilatiounen. D'Häerz vun dësem Lidd ass natierlech déi ontypesch Bass, déi sou oft gesampelt ginn ass. D'Backing Vocals sinn vun de Grupp "The Meters".

Ee vun deenen leschten Kënschtler, déi den Hercules gesampelt hunn, ass keen aneren wei den Action Bronson. Zesumme mat sengem Produzent "Party Supplies" hu si dat Lidd "Steve Wynn" erausbruecht.

Dat war op hirer Kollaborativer Mixtape "Blue Chips" déi 2012 erauskomm ass. Den Rapper sampelt hei ganz einfach de Saz "Jungle rule can't be no fool" an rappt wei gewéinlech op eng dekomplexéiert Aart an Weis iwwer seng kierperlech Iwwerleeënheet.

UGK haten den Sample schonn e puer Joer virdrun geholl an zwar op hirem Lidd "Chrome Plated Women". Dat war op hirem Duebelen Album "Underground Kings" vun 2007. D'Produktioun ass vun Pimp C.

Dat war hire fënneften an leschten Album, ier datt Pimp C leider gestuerwen ass. Dat war den groussen Comeback vun UGK, nodeems de Pimp C huet missten e puer Joren am Prisong bleiwen. Si ginn alles op dësem Titel. Den Arrangement ass natierlech perfekt megaloman, sou wei all Track, deen den Pimp C produzéiert huet.

Mee den Biz Markie hat de Sample schonn fréier benotzt, an zwar op sengem Lidd "A Thing Named Kim". Dat war eigentlech eng Parodie vum Grandmaster Caz sengem Track "A Girl Named Kim". Et ass 1989 op sengem zweeten Album "The Biz Never Sleeps" erauskomm. Am Lidd geet et dorëms, datt hien eng Frae an engem Club umécht, déi sech um Enn als Mann entpuppt. Hei geet et ëm Eighties-Storytelling vum Feinsten.

An der Mediathéik:

De Sample vun der Woch / / Bobby Bieles
Lauschteren

Méi zum Thema

e34.jpg
Sample vun der Woch

D'Lidd koum 1983 eraus. D'Grupp an d'Lidd sinn e Produkt vum Rick James senger Fantasie. D'Mary Jane Girls waren nämlech dem Rick James seng Background Sängerinnen.

e35.jpg
Sample vun der Woch

"It's A Shame", eent vun den éischte Lidder, déi de Stevie Wonder net fir sech selwer geschriwwen huet, mee fir eng aner Grupp - The Spinners. Ee vun de gréisste Motown-Hits, a verschiddenen Hip-Hop-Perioden opgegraff.

Net verpassen

  • 17.10. De Gudden Toun

    De Gudden Toun.jpg

    Wann d'Deeg méi kal, gro a kuerz ginn, stécht deen een oder anere vläicht de Kapp nees méi an déi sozial Medien. An der Oktober Editioun schwätzen de Roland Meyer, Ian De Toffoli, Raoul Biltgen, Jeff Schinker an d'Anne Klein.

Programm

  • Resonanzen

  • On air

    Am Nomëtteg vun 3 bis 6

  • Panorama

  • Tockcity

  • The Benny Brown Show

Dossieren

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

  • Olympesch Spiller 2021

    D'Olympesch Spiller fannen, mat engem Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen