Luxfilmfest Wann et Klimaanlage reent...

Klimaanlagen als leschten Depositär vun der kollektiver Memoire nom Biergerkrich: Dee Science-Fiction-Zeenario steet am Mëttelpunkt vum Angolaner Fradique sengem Filmdebut "Air Conditioner" (Ar Condicionado).

Michel Delage

Kompetitioun Air Conditioner 02 © Geração 80
Filomena Manuel a José Kiteculo (Foto: Geração 80)

An den angolanesche Stroosse falen engem aus ongekläerte Grënn d'Klimaanlagen op de Kapp! An och soss falen déi Apparater einfach aus a bidde bei deene waarmen Temperature keng Ofkillung méi. D'Botzfra Zezinha an de Portier Matacedo ginn ugestallt, dem Chef seng Anlag flécken ze loossen.

Wann d'Kamera de Matacedo duerch d'Gäng vu verkommene Gebaier begleet oder duerch d'Stroosse vun der Haaptstad Luanda, déi och net vill besser ausgesinn, da versteet een, datt de Problem mat de Klimaanlage just e Symptom fir e méi déiwe gesellschaftleche Malaise ass.

Wa sech soss kee méi kann erënneren...

Mat sengem éischte Long métrage "Air Conditioner" spënnt den angolanesche Realisateur Fradique d'Metapher nach weider, andeems hie Science Fiction-Elementer bäimëscht. Sou funktionéieren d'Klimaanlagen ewéi Iwwerwaachungs-Kameraen, déi enregistréieren, wat ronderëm se passéiert. Engem mysteriéisen Elektriker geléngt et, dës emmagasinéiert Souveniren op gutt al Videokassetten ze transferéieren. Eng wäertvoll Missioun an engem Land, dat nach ënnert den Nowéie vun engem Joerzéngte laange Biergerkrich leit.

Wann d'Mënschen ze traumatiséiert sinn, fir d'Erënnerung oprecht z'erhalen, wann eenzeler wéi stomm gi sinn an nëmmen iwwer Gedankeniwwerdroung matenee kommunizéieren, oder awer e gudden Deel vum kollektive Gediechtnes mat den Affer vum Krich ewech gestuerwen ass, da bleiwe banal Apparater ewéi Klimaanlagen als Depositär vun der Memoire iwwereg.

"Air Conditioner" ass en originelle Film, deen op den éischte Bléck zimmlech bizare a kryptesch wierkt. D'Skepsis, déi een am Ufank ka verspieren, léisst sech dann awer an der melancholescher Grondstëmmung op, déi de flotten Jazz-Soundtrack vun der Aline Frazao weider verstäerkt.


"Air Conditioner" leeft nach dësen Dënschdeg 9. Mäerz um 19h an der Cinemathéik oder ass online um Site vum Luxfilmfest ze gesinn.

An der Mediathéik:

Kultur / / Michel Delage
Lauschteren

Méi zum Thema

QUO VADIS AIDA © Cinéart (3)-1.jpg Kompetitioun
Luxfilmfest

''Quo vadis, Aida?" erzielt d'Tragedie vu Srebrenica aus der Perspektiv vun enger Fra, där als Iwwersetzerin d'Hänn gebonne sinn. Als Mamm gëtt si virun onméiglech Decisioune gestallt.

Luxfilmfest
Kinosfestival

Trotz Pandemie gëtt de Luxembourg City Filmfestival organiséiert. Déi 11. Editioun (4.-14. Mäerz) kritt dëst Joer awer eng liicht aner Nues: Filmer ginn deels am Kino deels online gewisen.

Net verpassen

  • 17.10. De Gudden Toun

    De Gudden Toun.jpg

    Wann d'Deeg méi kal, gro a kuerz ginn, stécht deen een oder anere vläicht de Kapp nees méi an déi sozial Medien. An der Oktober Editioun schwätzen de Roland Meyer, Ian De Toffoli, Raoul Biltgen, Jeff Schinker an d'Anne Klein.

Programm

  • Notturno

  • On air

    Virum Dag vu 6 bis 10

  • Panorama

  • Virum Dag vu 6 bis 10

  • Noriichten

Dossieren

  • CinÉast 2021

    Et ass déi véierzéngt Editioun vum CinÉast Filmfestival. Vum 7. bis de 24. Oktober ginn Featuren a Kuerzfilmer aus Länner aus Mëttel- an Osteuropa gewisen. Siwe Filmer sinn an der Kompetitioun.

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen