Gezeechent Ugo Bienvenu: Préférence système

D'Science-Fiction BD spillt an enger noer Zukunft, an där d'Mënschheet esouvill Date produzéiert, datt net méi alles gespäichert ka ginn.

Jeff Thoss / cbi

Gezeechent

"Préférence système" vum Ugo Bienvenu spillt an enger noer Zukunft, an där d'Mënschheet esouvill Date produzéiert, datt net méi alles gespäichert ka ginn. Den Yves schafft an der Institutioun, déi dofir verantwortlech ass, al Filmer a Literatur ze läschen, well se net méi genuch Leit interesséieren a duerch d'sozial Medien all Dag eng Onmass un neie Saache produzéiert gëtt.

Den Yves ass en heemleche Rebell; hie wëllt d'Wierker erhalen a verstoppt se dofir an der Memoire vun engem Roboter, deen hien doheem huet. Dee Roboter ass och d'Leihmutter vum Kand, dat den Yves a seng Fra erwaarden. Iergendwa flitt hien op a muss mat senger Famill flüchten.

An der zweeter Hallschent dréit sech villes ëm de Personnage vum Roboter, deen dat nei Liewen a sech dréit, geneesou wéi vill Klassiker vun eiser Kultur.

E sozialkritescht Wierk

D'Science-Fiction BD entwërft e Gedankespill iwwer de Wäert vun der Kultur a freet, ob a wéi mir wëllen eis Geschicht tradéieren. Et ass e sozialkritescht Wierk, mat Bezuch op d'sozial Medie sécherlech e bësse plakativ." Préférence système" ass souverän opgebaut an erzielt, och an der Aart, wéi et sech selwer an der Science-Fiction-Traditioun placéiert, mat klore Referenzen op dem Orwell säin "1984" an dem Kubrick säin "2001".

Grad an der zweeter Hallschent entwéckelt d'BD eng grouss poetesch Kraaft an ass mat Momenter ganz beréierend, wat ee vläicht net erwaart. Stilistesch erënnert d'Buch u Superheldecomicken aus den 80er. De relativ konventionelle Stil mat deels kitscheger Koloratioun ass sécherlech eng Schwächt vum Comic. Trotz den almoudeschen Zeechnunge funktionéiert d'BD awer a lount sech wéinst hirem Bléck op den information overload vun eiser Gesellschaft.

An der Mediathéik:

Lauschteren

Méi zum Thema

are you listening - Tillie Walden
Gezeechent

Der jonker Zeechnerin Tillie Walden hir Graphic Novel ass e Wierk vum magesche Realismus an erzielt d'Geschicht vum Bea a vum Lou, op engem Road Trip duerch Texas.

Cover_Indesfourbes
Gezeechent

Den Alain Ayroles (Zenario) an de Juanjo Guarnido (Zeechnungen) entwerfen eng Suite zu engem Klassiker aus der spuenescher Literatur, dem Quevedo säi Schelmeroman "El Buscón".

Net verpassen

  • Rapport d'activités 2021

    Banner.jpg

    De Rapport d'activités 2021 vum radio 100,7 ass verëffentlecht ginn. E gëtt en Abléck an d'Aktivitéite vun de verschiddene Servicer a Redaktiounen am leschte Joer.

Programm

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen