Ranga Yogeshwar: Mir brauchen ee globalen Dateschutz

562 bekannte Schrëftsteller aus 82 Länner, dorënner 5 Nobelpräislaureaten, hunn eng Petitioun mam Titel “Writers Against Mass Surveillance” ënnerschriwwen. Ënner de Signataire sinn Nimm wéi Orhan Pamuk, J.M. Coetzee, Elfriede Jelinek, Günter Grass, Tomas Tranströmer, Umberto Eco, Margaret Atwood, Don DeLillo, Daniel Kehlmann, Nawal El Saadawi, Arundhati Roy an Henning Mankell.

An der Petitioun heescht et, elementar Mënscherechter wären duerch de Mëssbrauch vun technologeschen Entwécklungen vu Staten a Firmen fir d’Masseniwwewaachung verletzt ginn, an demokratesch Grondwäerter wären a Gefor. D’Auteure maachen een Opruff un all Länner a Sociétéitën, fir dës Wäerter ze respektéieren a fuerderen d’Bierger op, fir hir Rechter ze verdeedegen. Et gëtt weider eng digital Mënscherechts-Charta vun de vereenten Natioune gefuerdert.

Ee vun de Schrëftsteller ass de Ranga Yogeshwar. D’Marie-Paule Fischbach huet sech de Moie mam lëtzebuerger Wëssenschaftsjournalist a Physiker ënnerhal. Hei kënnt Dir d’Gespréich lauschteren:

[audio mp3="http://www.100komma7.lu/files/4/0/244556_invite-vum-dag.mp3"]

Net verpassen

Programm

Dossieren

  • Alles iwwer de Podcast Schlechte Schüler

    An eisem Dossier fannt dir sämtlech Episode vun eisem Podcast Schlechte Schüler, Interviewe mat Schoulexperten an déi komplett Transkripter vun den eenzelnen Episoden.

  • Chamberwalen 2023

    Den 8. Oktober gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen