Literatur Margret Steckel - Daisy Fiedler

An hirer neier Erzielung "Daisy Fiedler" geet d'Margret Steckel erëm der Vergaangenheet op d'Spuer. Et geet ëm Erënnerungen, ëm Virstellungen an ëm Regreten. Awer och ëm d'Fro, wéi eng Wierkung en Trauma op eis kierperlech Gesondheet huet.

Valerija Berdi / tt

Daisy Fiedler
Daisy Fiedler ass bei Capybarabooks erauskoum.

"Wenn ich an jene Jahre denke, war Daisy ein geschwisterlicher Teil meiner Kindheit. Aber erst das zurückgesandte Buch mit dem kleine Vermerk am Rande ließ mich das voll begreifen."

"Verstorben" steet um Bord vum Ëmschlag, deen d'Charlie vun der Post zeréck kritt huet, adresséiert war de Pak un d'Daisy Fiedler. Dëse traurege Moment ass den Ausléiser fir sech un d'Daisy ze erënneren, un eng Frëndschaft, déi direkt nom zweete Weltkrich ugefaangen huet, wou Däitschland a Ruine louch an d'Daisy mat hirer Famill aus Hamburg op d'Land vu Schleswig-Hollstein geflücht ass.

Zäertlechkeet a Regreten

Eng Frëndschaft, déi an hirer Kontinuitéit dach mat Ënnerbriechunge verlaf ass. Esou ass d'Erzielung dann och zesumme gesat aus Erënnerungen, aus Gedanken an Iwwerleeungen an aus Virstellungen, wat hätt kënne sinn.

"Erinnerungen kümmern sich nicht um Wind und Wetter, mit Regentagen haben sie wenig im Sinn, es sei denn, Langeweile gebiert Dummheiten oder Poetisches. Aber meistens halten sie es mit der Sonne. Da scheint's einen uralte Vertrag zu geben."

Mat ganz vill Zäertlechkeet awer och vill Regreten erënnert sech d'Charlie un déi fréier Frëndin.

Scho kuerz no der Grondschoul hate sech déi zwee Meedercher aus den Ae verluer, fir sech dann awer erëm ze begéinen.

Et ass e Wiessel tëschent Intensitéit a Vergiess ginn. D'Momenter, déi déi zwee Meedercher an duerno jonk Fraen matenee verbréngen, sinn magesch; voller Douceheet a Bewonnerung erzielt d'Charlie iwwer dem Daisy säi Wiesen, iwwer wëll Spiller a gesonge Chrëschtdagslidder, iwwer de kale Wand um Schoulwee an u Schlittschongfueren... an dann awer ëmmer rëm Momenter vun Distanz, wou d'Verbonnenheet Rëss kritt huet, well als erwuesse Frae jiddereng hiert Liewe gelieft huet.

"Und Daisy? Von einer Tätigkeit als Laborantin schrieb sie, von ihrer Arbeit, von ihren Reisen, aber nie von sich selbst. Ihre Briefe enttäuschten mich, die Schilderungen von touristische Sehenswürdigkeiten überflog ich, sie langweilten mich; sie schrieb so trocken, dass ich nicht mal Lust bekam, das Geschilderte zu sehen. Ich ließ mir Zeit, auf solche Briefe zu antworten. Ich wurde zur treulosen Freundin, und Daisy warf es mir vor, wenn ich ehrlich bin: lebenslang."

Op der Sich nom Trauma

Et geet an dëser Erzielung vun der Margret Steckel awer ëm méi, wéi just eng Frëndschaft. Schonn zimmlech am Ufank ginn d'LieserInne gewuer datt d'Daisy zum Schluss vun hirem Liewen an engem Rollstull souz a keen Dokter huet d'Ursaach vun hirer Krankheet fonnt, de Verloscht vun der kierperlecher Beweegung, deen net opzehalen ass.

Nodeems d'Daisy hir Elteren an engem déidlechen Accident verluer huet, lieft si an engem Heim, wou si eng Bezéiung mat engem Fleeger ageet.


VaLibrairie: CNL-Summerdag from radio 100,7 on Vimeo.

D'Margret Steckel liest live an der Sendung VaLibrairie aus dem Buch vir


Den Daniel ass immens verléift an d'Daisy an hie wëll hir Krankheet net akzeptéieren, an der Iwwerzeegung, d'Ursaache wiere psychosomatesch an et weist alles drop hin, datt déi traumatesch Erliefnisser wärend de Bombardementer vun Hamburg duerch déi Alliéiert d'Ursaach vum Daisy senge Lämunge kéinte sinn.

"Daisys Verkrampfungen waren Daniels alles beherrschendes Thema geworden, er sprach sogar von Verknotung, seelischer Verknotung, die auch der Heiler nicht hatte lösen können. Nun wäre also der Psychologe an der Reihe..."

Der Margret Steckel geléngt mat Daisy Fiedler e ganz beréierend Wierk. D'Autorin geheit vill Froen op iwwer Frëndschaft, iwwer Relatiounen, iwwer Erënnerungen, iwwer d'Liewen an iwwer den Doud. Iwwer d'Ursaache vu krank ginn a krank sinn. Si hält awer permanent eng respektvoll Distanz zu de Protagonistinnen a Protagonisten, all Wuert ass mat ganz vill Sensibilitéit ausgewielt fir d+es ganz intimistesch Biographie ze erzielen.

"Gedanken von heute, meine Gedanken, nicht die von Daisy. Ich weiß nicht, was sie dachte."

An der Mediathéik:

Kultur / / Valerija Berdi
Lauschteren

Méi zum Thema

Hémecht Juli 2021
Geschicht

D'Covid-Noutmesurë vum Fréijoer d'lescht Joer verroden eng onbewosst Erënnerung un d'Peschterfarung hei am Land, schreift de Michel Pauly an engem Artikel vun der aktueller Nummer vun "Hémecht".

E Bléck hanner de Covid-19 am Kulturhaus Niederanven
Kanner a Corona

Eng Ausstellung déi nach bis den 28. Juli am Kulturhaus zu Nidderaanven ass, soll engem jonke Public d'Wëssenschaft hanner der Corona-Pandemie méi nobréngen. De Ben Kobs war dës Ausstellung fir eis besichen.

Stack of books background. a lot of books. A stack of books of different thicknesses in the library, a pile of old books, back to school
Video

Zesumme mam CNL kommen an eiser Literatur-Emisioun VaLibrairie d'Autorinnen an Auteuren mat hiren neie Bicher zu Wuert.

Echos Kammern
Iris Hanika - "Echos Kammern"

Narziss und Echo, rund um diese beiden mythologischen Figuren webt Iris Hanika ein enges Netz aus Gedanken zu aktuellen Themen. Angelika Thomé stellt das Buch vor.

Net verpassen

  • Offre d'emploi: Journaliste-présentateur/trice

    radio 100,7

    L'Établissement de Radiodiffusion Socioculturelle, opérateur de la radio de service public radio 100,7, recherche Un/e Journaliste-présentateur/trice sous contrat à durée indéterminée et à tâche complète (40h/semaine).

Programm

  • Sot emol vun 10 bis 11

  • On air

    Noriichten

  • Resonanzen

  • Am Nomëtteg vun 3 bis 6

  • Tockcity

Dossieren

  • Olympesch Spiller 2021

    D'Olympesch Spiller fannen, mat enger Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen