Gedichtband Fabienne Faust - Hier - Ein Fehlen

Lëtzebuerg an déi ganz Welt sinn am neie Gedichtband vun der Fabienne Faust vertrueden. Mat ganz vill Sensibilitéit geet d'Dichterin un ganz aktuell Theemen erun an un un déi, déi ni un Aktualitéit verluer hunn.

Valerija Berdi / cbi

Buchkritik Hier - Ein Fehlen
Foto: Bigstock / Synel; Editions phi

Jetzt wo die Plasiktüten wachsen

Wie Kopfsalat im Meer

Wo der Fisch an einem Strohhalm erstickt

Und das Kind an Worten

Wo nur die Schönen sich an den Strand trauen

Die Liebe ein Haus geworden ist

ohne Fenster

Statussymbole die neuen Grenzen

graben

Und die Gesichtszüge langsam verhärten

Jetzt wo die Zeit immer schneller wird

Und die Begegnung wie die Distanz zwischen Flut

Und dem Leuchtturm

Ausgerechent jetzt

wolltest du

leben

"Jetzt" ass den Titel vun dësem Gedicht vun der Fabienne Faust. Déi jonk Dichterin schreift ob Franséisch, op Englesch an elo ass e Recueil op Däitsch eraus komm. A grad wéi si hir Schreifsprooch wiesselt, grad esou kosmopolitesch sinn hier Gedichter.

Mam Band "Hier - ein Fehlen" bereest ee mat der Fabienne Faust déi ganz Welt - lyresch. Ganz lyresch.

Eng Uklo un den Zoustand vun der Welt

An et gëtt bal kee Sujet, deen net net theematiséiert oder op mannst gesträift gëtt. Vun Indianerreservater a Kanada, Krichsgebidder wéi den Irak, déi weltwäit Klima- an Ëmweltkatastroph, Aarmut ze Lëtzebuerg, weltwäit a ganz intim Suergen fannen an der Faust hire Gedichter zesummen zu enger Symbios, déi ganz stëmmeg ze iwwerrasche weess.

"Hier - ein Fehlen" - dat Feelen ass de roude Fuedem, deen sämtlech Gedichter beréiert, e Feelen u Gefiller, un Empathie, u Responsabilitéit, u Solidaritéit, u Léift, u Frëndschaft an u Mënschlechkeet.

Et ass eng Uklo un den aktuellen Zoustand vun der Welt a vun de Protagonisten, déi fir dësen Zoustand verantwortlech sinn an net wëllen aus de Feeler léieren. De Mënschen. De Mënschen, déi net méi normal matenee kommunizéieren, sech net héieren, well se net lauschteren, sech net gesinn, well se net kucken.

Déi emotional Aarmut déi pueren Egoismus a Blannheet vis-à-vis vun allem, wat net eis perséinlech e Virdeel bréngt sinn u sech Sujeten, déi vill beschriwwen a geschriwwe gi sinn, an hei kënnt dann der Faust hier dichteresch Sprooch an d'Spill.

Wéi scho virdru gesot, si bréngt et fäerdeg ganz elegant verschidde Problematiken an ënnerschiddlech Aspekter mateneen ze verbannen an esou och ze weisen, wéi dach alles zesummenhänkt. Den Individuum an déi ganz Mënschheet, dat Hei an déi ganz Welt. D'Gëschter an Haut.

An dofir beméit d'Fabienne Faust net grouss Sensatiounen, mee Momentopnamen, den Ist-Zoustand vun der Welt vu haut.

An och wann dëst Gedichtband d'Welt net wäert retten, sou soll et als Erënnerung gelies ginn un dat, wat mer an eiser séierer Welt ëmmer vergiessen, wat et heescht, en Deel vun der Mënschheet ze sinn...

An der Mediathéik:

Kultur / / Valerija Berdi
Lauschteren

Méi zum Thema

Forgiarini Céruse Buchkritik
Literatur

Dem Tullio Forgiarini säin neit Buch "Céruse, ma vie. Entretiens avec Saturnino Bianchi'' (Hydre Editions) ass en deroutéierende ''roman noir'' iwwer en Trauma an de iwwer de Kreatiounsprozess.

Haruki Murakami - Erste Person Singular Buchkritik
Literatur aus Japan

In "Erste Personal Singular" erinnert Haruki Murakami an zufällige Begegnungen in seinem Leben. Es sind rätselhafte Geschichten, die sich jeder Logik entziehen, aber eine starke Anziehungskraft ausüben.

Net verpassen

Programm

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen