MUDAM Enrico Lunghi: Disziplinarinstruktioun ofgeschloss

Enrico Lunghi am Mudam
Enrico Lunghi (Archivphoto radio 100,7)

D’Instruktioun an der Disziplinarprozedur géint den Enrico Lunghi ass eisen Informatiounen no ofgeschloss. Wéinst sengem Verhalen am RTL-Interview den 13. September, soll den Nach-MUDAM-Direkter mat enger Verwarnung, enger Réprimande oder enger Amende vu bis zu engem Fënneftel vu sengem Brutto-Gehalt sanktionéiert ginn. Dat huet den zoustännege Regierungskommissär decidéiert.

Duerch d’Instruktioun wier e Verstouss festgestallt ginn, deen eng Sanktioun néideg mécht, esou de Commissaire. Elo ass et um Kulturministère fir ze decidéieren, wéi eng Suiten et an dësem Dossier wäerte ginn. Wéini dës Decisioun fällt, wier nach net gewosst, heescht et aus dem Ministère. No der Entscheedung fir eng eventuell Sanktioun huet dee Concernéierten e Mount Zäit fir Recours ze maachen.

An der RTL-Emissioun “Den Nol op de Kapp” waren den 3. Oktober Extraiten aus dem Interview vun enger RTL-Mataarbechterin mam Enrico Lunghi diffuséiert ginn: dora war ze gesi, wéi de Muséesdirekter d’Mataarbechterin menacéiert. Een Dag no dëser Diffusioun hat de Premier-, Medien- a Kulturminister Xavier Bettel eng Disziplinarprozedur géint den Enrico Lunghi ugekënnegt.

Méi zum Thema

Josée Hansen, Paul Peckels, Jürgen Stoldt
Medien

"Glaafwierdegkeet ass dat wichtegst Verméige vun engem Editeur", seet de Generaldirekter vu Saint-Paul. Nach ee Constat a "Riicht eraus": Déi vun RTL wier an der Affär Lunghi/RTL op d'Spill gesat ginn.

Enrico Lunghi
Affaire Lunghi-RTL

De MUDAM-Direkter wëllt juristesch géint d'RTL-Mammenhaus CLT-UFA virgoen. Säi Ruff wier duerch ee falsch montéierte Bäitrag geschiedegt ginn. Och an der Politik zitt d'Affaire weider Kreesser.

Enrico Lunghi Kommentar
Mudam

Et gëtt keng Elitten a keng Kulturzeen zu Lëtzebuerg - ma nëmmen nach en Trapp, dee net méi weess, wouhi mat senger Roserei. "D'Affaire Lunghi" ass dovun nëmmen eng Episod, mengt de Christian Mosar.

Enrico Lunghi
MUDAM

Den Enrico Lunghi wëllt eng Plainte wéinst Diffamatioun géint d’Auteurë vum RTL-Telés-Bäitrag maachen. Dat schreift hien an engem Bréif un den "International Committee for Museums and Collections of Modern Art".

Enrico Lunghi am Mudam Exklusiv
Mudam

De Generaldirekter vum Musée d'Art Moderne Grand-Duc Jean huet 100,7-Informatiounen no demissionéiert. Iwwert d’Grënn ass nach näischt gewosst.

Dem Enrico Lunghi seng Reaktioun op déi geplangt “Synergien” am Beräich vun der zäitgenëssescher Konscht – dat heescht enger envisagéierter Fusioun tëscht dem Casino-Forum d’art contemporain an dem Mudam (Musée d’Art Moderne Grand-Duc Jean)

Programm

Net verpassen

  • 24.4. Riicht eraus: Frank Engel

    Frank Engel

    Deen Dag, op deem d'CSV sech mam Claude Wiseler en neie President gëtt, kënnt säi Virgänger an den 100,7-Interview fir aus senger Siicht ze erklären, firwat dat net geklappt huet mat him an där gréisster Oppositiounspartei. 

Liveticker
Abonéiert eis Newsletter

Dossieren

  • Kulturjoer Esch2022

    Esch, zesumme mat anere ProSud-Gemengen a franséische Grenzgemengen, ass 2022 europäesch Kulturhaaptstad. An eisem Dossier fannt Dir alles iwwer d'Hannergrënn an d'Projeten, déi fir d'Kulturjoer entstoe wäerten.

  • Déi eeleft Editioun vum LuxFilmFest

    Trotz Pandemie gëtt de Luxembourg City Filmfestival organiséiert. Déi 11. Editioun (4.-14. Mäerz) kritt dëst Joer awer eng liicht aner Nues: Filmer ginn deels am Kino deels online gewisen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen