Luxfilmfest Engem Mann seng Welt gëtt op d'Kopp geheit

Iwwer e Generatiounskonflikt Papp-Jong an de Géigesaz tëschent Traditioun a Modernitéit geet et am Salvatore Mereu sengem Drama ''Assandira''. Zimmlech ustrengend, mee impeccabel ëmgesat.

Michel Delage

Kompetitioun assandira-con-regista.jpg
Dee vum Liewe gebrachene Costantino (Gavino Ledda)

Assandira ass den Numm vun engem Agriturismo op Sardinien, deen de Jong zesumme mat senger däitscher Fra bedriwwen huet. Op eemol fänkt d'Gebai Feier. De Jong kënnt beim Brand ëm, den Zoustand vun der - schwangerer - Fra ass onsécher. Accident oder kriminell Dot? Iwwerdeems ass de Papp, e fréiere Schéifer, vu schwéiere Virwërf geplot.

Traditioun vs Modernitéit

A Flashbacke gëtt erzielt, wéi de Papp d'Iddi vun der touristescher Struktur méi oder manner opgezwonge kritt. Ënner der Fuchtel vun der ambitiéiser Greta (Anna König) muss hie fir nordeuropäesch Touristen nees de Schéifer spillen. Hie schléckt dat alles, hie mécht et fir säi Jong (Corrado Giannetti)...

Dee vum Liewe gebrachene Papp (gespillt vum sardesche Schrëftsteller Gavino Ledda, bekannt fir säi Roman ''Padre Padrone'', deen d'Bridder Taviani 1977 verfilmt haten) verkierpert d'Vergaangenheet: traditionell Liewensweis, Fleeg vun der sardescher Sprooch, gesellschaftlech Dominanz vum Mann. D'Konfrontatioun mat der Greta, enger sexuell aggressiver Fra, déi méi wéi een Tabu brécht, geheit säi Weltbild op d'Kopp.

Wäit ewech vun der Vakanzenidyll

De Film weist alles anescht ewéi eng idyllesch Vakanzeninsel. Schéi Panoramae kritt ee praktesch keng ze gesinn. Schonn déi éischt Zeen spillt Nuets an am Reen, d'Bildqualitéit ass meeschtens ''knaschteg'', an d'Kamera ass permanent a Beweegung a ganz no un de Personnagen drun.

Als Spectateur kann een esou gutt novollzéien, wéi bedréckt sech de Papp spiert, wann all déi Gruppe vun Touristen ukommen oder déi wuelgenierte Blondin Greta him seng Brëscht permanent virun d'Nues hält...

''Assandira'' wierkt zwar allgemeng e bësse wéi eng dréche Kuuscht an ass mat sengen 130 Minutten zimmlech ustrengend fir ze kucken. An awer muss een agesinn, datt de Salvatore Mereu säi Sujet filmesch impeccabel ëmgesat huet.

Méi zum Thema

Los Lobos Kompetitioun
Luxfilmfest

De mexikanesche Film ''Los Lobos'' (The Wolves) vum Samuel Kishi weist op eng flott Manéier, wéi Kanner en objektiv schwieregt Immigranteliewe mat Hëllef vun der Fantasie kënnen iwwerspillen.

Becoming Mona Kompetitioun
Luxfilmfest

Den hollännesch-belsche Familljendrama "Becoming Mona" erzielt d'Geschicht vun enger jonker Fra, déi weider net opfält, mee vill ze soen hätt. E schwieregen Typ vu Personnage gëtt hei visibel gemaach.

Aristocrats Kompetitioun
Luxfilmfest

De japanesche Film "Aristocrats" problematiséiert d'Roll vun der Fra a gehuewene Kreesser. Duergestallt gëtt eng friddlech Gesellschaft, där hir rigid Klassestruktur awer net ze veränneren ass.

Careless Crime Kompetitioun
Luxfilmfest

Rekonstitutioun? Transpositioun? Oder einfach nëmme Konfusioun? Mat engem Spill mat der Realitéit an der Illusioun stellt den iranesche Film ''Careless crime" de Spectateur op d'Prouf.

Air Conditioner 02 © Geração 80 Kompetitioun
Luxfilmfest

Klimaanlagen als leschten Depositär vun der kollektiver Memoire nom Biergerkrich: Dee Science-Fiction-Zeenario steet am Mëttelpunkt vum Angolaner Fradique sengem Filmdebut "Air Conditioner".

Net verpassen

  • 17.10. De Gudden Toun

    De Gudden Toun.jpg

    Wann d'Deeg méi kal, gro a kuerz ginn, stécht deen een oder anere vläicht de Kapp nees méi an déi sozial Medien. An der Oktober Editioun schwätzen de Roland Meyer, Ian De Toffoli, Raoul Biltgen, Jeff Schinker an d'Anne Klein.

Programm

  • Notturno

  • On air

    Panorama

  • Panorama

  • Virum Dag vu 6 bis 10

  • Noriichten

Dossieren

  • CinÉast 2021

    Et ass déi véierzéngt Editioun vum CinÉast Filmfestival. Vum 7. bis de 24. Oktober ginn Featuren a Kuerzfilmer aus Länner aus Mëttel- an Osteuropa gewisen. Siwe Filmer sinn an der Kompetitioun.

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen