Lucy Sullivan - Barking Eng grouss visuell Kraaft

"Barking" nennt sech den Debut vum Lucy Sullivan, eng Graphic Novel iwwer psychesch Krankheet, an doriwwer, wéi de Gesondheetssystem domat ëmgeet.

Jeff Thoss / cbi

Barking

D'Protagonistin Alix kënnt net iwwer den Doud vun enger Frëndin ewech. Nodeems et enges Daags um Gelänner vun enger Bréck steet, bréngt d'Police et an d'Psychiatrie.

Hei gëtt d'Alix weiderhi vum Doud vu senger Frëndin verfollegt, dat him als Geescht reegelméisseg erschéngt, mee et muss sech och am Mikrokosmos vun der Psychiatrie zerechtfannen.

Rau an expressiv

D'Originalitéit vun der Graphic Novel läit awer net onbedéngt an der Geschicht, mee éischter an der Aart a Weis, wéi dem Alix säin Zoustand duergestallt gëtt. D'Lucy Sullivan benotzt e grafft Schwaarz-Wäiss, eng onreegelméisseg Linn, déi de Säiten eng grouss Dynamik an e bal scho physeschen Impakt ginn.

Text wéi Zeechnungen si rau an expressiv an et ass ee permanent gefuerdert, sech nei ze orientéieren a sech an dem Alix säi Kapp eranzeversetzen. "Barking" ass e Buch mat eng grousser visueller Kraaft, déi ee matrappt, an engem doriwwer och d'Thematik vun Trauer an Depressioun méi no bréngt.

An der Mediathéik:

Lauschteren

Méi zum Thema

Rote Blüten
Gezeechent

De Yoshiharu Tsuge gëllt a Japan als Klassiker vum alternative Manga, am Westen ass hien awer bis haut kaum bekannt. Mat Rote Blüten, enger Sammlung vu Kuerzgeschichten aus de 1960er, kann een dat elo nohuelen.

Révolution I. Liberté
Gezeechent

Obschonn dës BD schonn 2019 erauskoum, ass se der Wäert entdeckt ze ginn, se krut nämlech zu Angoulême de Präis fir déi bescht BD. Et ass den éischten Deel vun enger Trilogie iwwer déi Franséisch Revolutioun

Net verpassen

  • 16.10. Riicht eraus - Bleift d'Kierch am Duerf?

    Riicht Eraus_Beift Kierch am Duerf 2.jpg

    Wéi kënnen an däerfen entweite Kierchen nach gebraucht ginn? Et diskutéieren d'Architektin Sala Makumbundu, de Kierchenexpert A. Langini, de G. Kieffer vum Bistum, an den R. Mangen, Schäffen Déifferdeng.

Dossieren

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

  • Olympesch Spiller 2021

    D'Olympesch Spiller fannen, mat engem Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen