Lukas Jüliger - Unfollow Eng Fiktioun no un der Realitéit

Mat engem rouegen a "léiwe" Stil gelëngt et dem Lukas Jüliger eng ëmmer méi onheemlech a grujeleg Atmosphär ze erschafen. Eng Fiktioun, déi heiansdo geféierlech no un der Realitéit ass.

Jeff Thoss / cbi

Unfollow

D'Graphic Novel "Unfollow" ass eng Parabel op zäitgenëssesch Jugendkultur a -beweegungen. Se erzielt d'Geschicht vum Earthboi, enger Mëschung aus Greta Thunberg a Social-Media-Influencer, en Ëmwelt-Aktivist, dee säi Message iwwer YouTube-Videoen an Instagram-Posts verbreet a domat zu engem Messias fir ëmweltbewosst jonk Leit gëtt.

Beschriwwe gëtt dat alles aus der Perspektiv vum Earthboi sengen éischte Follower a "Jünger", déi vollkomme vun him iwwerzeegt sinn.

Eng ëmmer méi grujeleg Atmosphär

"Unfollow" ass an engem ganz reegelméissegen an duusse Stil gezeechent. Dem Lukas Jüliger geléngt et, mat dem rouege a "léiwe" Stil an dem optimisteschen Text eng Atmosphär ze erschafen, déi mat der Zäit ëmmer méi onheemlech a grujeleg gëtt.

Wann een dem Enn vum Buch méi no kënnt, gëtt et kloer, wourop d'radikal Beweegung, déi den Earthboi inspiréiert huet, erausleeft, mee laang Zäit muss ee genee liesen a kucken. Doranner läit de Reiz vun "Unfollow", dat aus eiser Öko- an Internetkultur eng Fiktioun erschaaft, déi heiansdo geféierlech no un der Realitéit ass.

An der Mediathéik:

Lauschteren

Méi zum Thema

Barking
Lucy Sullivan - Barking

An hirer Graphic Novel "Barking" benotzt d'Lucy Sullivan e grafft Schwaarz-Wäiss an eng onreegelméisseg Linn. Et ass e Buch dat matrappt an engem d'Theema vun Trauer an Depressioun méi no bréngt.

Rote Blüten
Gezeechent

De Yoshiharu Tsuge gëllt a Japan als Klassiker vum alternative Manga, am Westen ass hien awer bis haut kaum bekannt. Mat Rote Blüten, enger Sammlung vu Kuerzgeschichten aus de 1960er, kann een dat elo nohuelen.

Net verpassen

  • 16.10. Riicht eraus - Bleift d'Kierch am Duerf?

    Riicht Eraus_Beift Kierch am Duerf 2.jpg

    Wéi kënnen an däerfen entweite Kierchen nach gebraucht ginn? Et diskutéieren d'Architektin Sala Makumbundu, de Kierchenexpert A. Langini, de G. Kieffer vum Bistum, an den R. Mangen, Schäffen Déifferdeng.

Dossieren

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

  • Olympesch Spiller 2021

    D'Olympesch Spiller fannen, mat engem Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen