Konscht Delphine Munro nei Presidentin vum Casino
De Verwaltungsrot vum Casino – Forum d’art Contemporain - gouf erneiert a vergréissert. D’Delphine Munro vun der Europäescher Investitiounsbank gëtt nei Presidentin. Den Verwaltungsrot gouf vun fënnef op siwe Memberen erweidert.
D'Delphine Munro ass Konschthistorikerin a geréiert der Europäescher Investitiounsbank hir Kollektioun vun zäitgenëssescher Konscht. Si iwwerhëlt d'Presidence vum Verwaltungsrot vum Paul Reiles.
De Conseil d’Administratioun vum Casino gouf vu fënnef op siwe Membere vergréissert. Wéi den Direkter vum Casino, Kevin Muhlen, eis sot, hätt een och wëlle Leit mat eranhuelen, déi net aus engem Ministère kommen. Nieft der Delphine Munro, vun der EBI, gouf dofir och d’Begga Sigurdardottir vun der Consulting Firma PwC mat an de Conseil geholl. Si wier passionéiert vu Konscht, seet de Kevin Muhlen. D’Begga Sigurdardottir hat och schonn d'Konschtgalerie Bergman Berglind zu Hollerech opgemaach.
Vun de fënnef Vertrieder aus de verschiddene Ministèrë sinn der just zwee aus dem ale Verwaltungsrot, déi bleiwen: D’Claudine Hemmer aus dem Kulturministère an de Jean-Marie Haensel aus dem Finanzministère.
Nei dobäi kommen aus dem Nohaltegkeets- an Infrastrukturministère de Jean Leyder, Direkter vun de Bâtiments Publics, d’Anne Greiveldinger aus dem Staatsministère an d’Gosia Nowara, Conservatrice vum Nationalmusée.
Méi zum Thema
MUDAM feiert zéng Joer
De Musée d’Art Moderne Grand-Duc Jean huet seng Dieren op dësem Samschdeg grouss opgemaach. Offiziell Rieden, mee och e kuerzen Optrëtt vun der amerikanescher Folk-Legend Patti Smith.
De Casino Lëtzebuerg ass nees op
No 11 Wochen huet de Casino Lëtzebuerg seng Dieren nees opgemaach. Gläichzäiteg gouf den 20. Gebuertsdag gefeiert. De radio 100,7 war live dobäi. Hei ass d'Emissioun nach eng Kéier integral.
Casino kritt 2016 eng nei Direktioun
D'Nancy Braun iwwerhëlt den 1. Januar 2016 déi administrativ Direktioun vum Jo Kox. De Kevin Muhlen gëtt Generaldirekter
