James Last De Komponist vum Happy Sound
Den Hans Last, oder besser James Last, ass de Kreateur vum sougenannten "Happy Sound", engem Museksstil, mat deem hien a säin Orchester joerzéngtelaang d'Mënsche vu quasi alle Generatioune begeeschtert huet.
Hie war um Sommet vu sengem gréisste Succès mat sengem "Happy Sound" bis zu 30 Prozent vum Ëmsaz vun der däitscher Plackefirma Polydor responsabel. De Bassist, Pianist, Bandleader, Komponist, Arrangeur a Produzent James Last ass den 9. Juni 2015 a Florida am Alter vun 81 Joer gestuerwen.
De 17. Abrëll 2019 hätt hien 90 Joer kritt an hie wier sécher nach ëmmer mat sengem Orchester ënnerwee. Mat der Musek opzehale war fir hien, bis zu sengem Doud, ni eng Optioun.
An der Mediathéik:
LauschterenMéi zum Thema
Eng Meloun, e delabréierte Kostüm an e Reesbengelchen
Scho ganz jonk war de geniale Komiker ronderëm d'Welt dee populäerste Vertrieder vun der Stommfilm-Epoch. An och nach haut, scho bal 42 Joer no sengem Doud, bleift de Charlie Chaplin eng Ikon aus der Filmgeschicht.
De franséische Schwed oder de schwedesche Franzous
De Max von Sydow gouf duerch Ingmar Bergman-Filmer international bekannt an zielt zu de renomméiertste Charakter-Acteuren. Hie kritt haut 90 Joer a steet nach ëmmer virun der Kamera.
