Expo D'Villschichtegkeet vun der Botanik

De leschte Summer war dem Charles Rouleau seng Sound-Installatioun iwwer d'Fragilitéit vun der Äisschicht um kanadesche Floss Saint-Laurent op der "Triennale Jeune Création" ze gesinn. Bis de 27. Februar ass säi Projet "Woven in Vegetal Fabric: On Plant Becomings" am Casino Display ze gesinn, fir deen de Kënschtler Akademiker, Fuerscher an aner Artisten zesummebruecht huet.

Kerstin Thalau / rb

Woven In Vegetal Fabric: On Plant Becomings
D'Ausstellung "Woven In Vegetal Fabric: On Plant Becomings" am Casino Display. Foto: Charles Rouleau

De Charles Rouleau, 1988 am Québec gebuer, huet an den USA an zu Berlin gelieft a geschafft. Aktuell pendelt hien tëschent Lëtzebuerg an Amsterdam, wou hien e Master an "Artistic Research" mécht.

D'Iddi fir de botanesch-kënschtleresche Projet "Woven in Vegetal Fabric: On Plant Becomings" als seng Masteraarbecht ass beim Charles Rouleau, wärend der Pandemie gewuess.

De Kënschtler ass hei am Norden doheem, war vill am Bësch an huet realiséiert, datt d'Vegetatioun - well si stomm an onopdrénglech ass - nach vill ze vill als Deko wouergeholl gëtt.

A senger Virbereedungsaarbecht huet hie Literatur, kënschtleresch Approchen zum Theema, Partner aus der Wëssenschaft a Lycéesschüler fir Konscht-Workshops gesicht. Doraus entstanen ass ee Programm mat Expo, Konscht-Performancen a Konferenzen.

Ee villschichtege Programm

Conferenciere sinn zum Beispill de Michael Marder, Ëmweltphilosoph, dee sech mat "Plant Thinking" befaasst huet, oder nach d'Schwäizer Performerin Leonie Brandner, déi Vegetatioune brodéiert, dozou Gedichter schreift a si am Display mat engem Chouer gesanglech virdroe wäert.

D'Kënschtlerin Catherine Duboutay huet sech mat der Relatioun tëschent Aphrodisiaque, Genre an dem Sech-Verléiere beschäftegt an deelt am Display hier Recherche mam Public.

De Charles Rouleau selwer huet am "Vondelpark" zu Amsterdam, wou sech Mënsch, Natur a Stad treffen, Sounds opgeholl, fir d'Interferenzen ze studéieren. De Visiteur héiert dës Klangkompositioun an engem däischtere Cube tëschent véier Haut-parleuren an engem Subwoofer fir de Bass.

Wat ass richteg, wat ass falsch a Saache Botanik?

D'Konscht mécht, vläicht berechtegt, ee Bou ronderëm des Kategorisatiounen a werft léiwer Froen op. D'Naturwëssenschaften hunn den Usproch, Äntwerten ze liwweren, a benotzen dobäi Termen ewéi "Kolonialisatioun" oder "Pionéierplanz".

Et muss erlaabt sinn, och dat a Fro ze stellen, seet de Charles Rouleau: Mir wieren ëmmer just nëmme Mënschen et géif keng puer Objektivitéit existéieren. Dowéinst baut hien op sënnlech Experienzen an op den Austausch tëschent ganz ënnerschiddleche Mënschen.

An der Mediathéik:

Kultur / / Kerstin Thalau
Lauschteren

Méi zum Thema

C2DH
Konschtvermëttlung

De Christopher Morse schéngt op alle Kräizunge vun den Humanwëssenschaften ënnerwee ze sinn. Déi wichtegst ass fir hien déi tëschent Konscht an Technologie. Mat senger Recherche wëllt hien net op ee Musée erofkucken.

Patricia Lippert Der Blaue Pilz und die Schnecke
Literatur

Wat hunn e Pilz am Nuetshiem an e Schleek ouni Haus gemeinsam? Datt mat hinnen zu Onrecht de Geck gemaach gëtt, fënnt d'Patricia Lippert an hirem neie Kannerbuch "Der blaue Pilz und die Schnecke".

Net verpassen

Programm

  • Panorama

  • On air

    Virum Dag vu 6 bis 10

  • Noriichten

  • Sot emol

  • Iwwer Mëtteg vun 11 bis 2

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen