Danz D'Maueren duerchbriechen

Am "TalentLab" am Groussen Theater kënne Kënschtler ouni de gewéinlechen Drock vun Deadlinen a Produzente wärend zéng Deeg un engem Projet experimentéieren. Hiert Resultat kënnen si dann un engem Public testen. Dëst Joer hat de multidiszipläre Kënschtler Kieron Jina och dës Geleeënheet.

Romain Butti

"Breaking Down Walls" vum Kieron Jina
v.l.n.r.: Mmakgosi Kgabi, Kieron Jina, Yogin Sullaphen, Anelisa Stuurman. Foto: Nathan Ishar

Et muss een net wäit siche goen, fir ze gesinn, wéi a ville Beräicher erëm Grenzen dicht gemaach a Maueren eropgezu ginn - dat kann aus Angscht sinn, virun neie Saachen, alles, wat friem schéngt, oder och aus Onsécherheet virun deem, wat nach wäert kommen.

Mat Exklusiounen ass dacks och vill Leed verbonnen. Opzedecke gëllt et dës Mëssstänn ënner anerem doduerch, datt een sech austauscht, en Echange favoriséiert vu Geschichten, Perspektiven, an Erliefnisser.

Maueren ofbauen - esou ass och d'Approche vum südafrikanesche Kënschtler Kieron Jina. Si hunn am Kader vum TalentLab hir Recherche mam Titel "Breaking Down Walls" matbruecht. Zentral sinn an dëser Aarbecht d'Theeme vun der Migratioun, der Race an der Queerness.

Schéinheet schafe ronderëm politesche Situatiounen

"Um Ufank war mir virun allem d'Liberatioun vu Leit, déi sech als LGBTQI+ identifizéieren, wichteg. Mir mussen ufänken, eis Sprooch tëschent eis méi bewosst ze benotzen, och besser mat eise Ressourcen ëmzegoen. Ech ginn déi Saach konzeptuell un: Wéi schafen ech Schéinheet ronderëm politesch Situatiounen? De Wëlle fir Verännerung gëtt ëmmer méi grouss, a mir versichen, do vir bäi ze sinn."

"Breaking Down Walls" entsteet zesumme mam Komponist an Instrumentalist Yogin Sullaphen, a verbënnt déi mëndlech Traditioun, Danztheater an déi visuell Konscht. Eng fruchtbar Zesummenaarbecht, déi ëmmer erëm d'Puissance vum Storytelling ënner Beweis stellt:

"Mir schaffe vill mat Perkussioun, awer och mat Kultur, souzesoen. Musek ass esou kulturell a mathematesch am selwechte Moment. An dotëscht gëtt et Raum fir d'Manipuléieren, well ee kulturell Informatiounen doraus kann zéien, et ka veränneren - esou, datt et deenen, déi et gesinn, eng aner Interpretatioun bitt, a si hir eege Maueren doduerch gechallenged fillen."

An der Mediathéik:

Kultur / / Romain Butti
Lauschteren

Méi zum Thema

Ioanna Anousaki
Danz

Am Work in progress mam Titel "The shade of my own" ënnersicht d'Ioanna Anousaki d'Theeme vum Elengsinn, der Isolatioun. Si kuckt awer och, wat dat fir eng Auswierkungen op déi mental Gesondheet huet.

Net verpassen

Programm

  • Ligne 2

  • On air

    Notturno

  • Virum Dag vu 6 bis 10

  • Panorama

  • Virum Dag vu 6 bis 10

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen