Mathieu Bablet - Carbone & Silicium D'Klima-Kris aus Siicht vun zwee Androiden

Carbone a Silicium sinn d'Nimm vun zwou kënschtlechen Intelligenzen, zwee Androiden, déi am Mathieu Bablet senger neier BD iwwer 300 Joer d'Entwécklung vun de Mënschen an der Äerd verfollegen. Lassgeet et an der Mëtt vun eisem Joerhonnert, duerno spréngt d'Erzielung ëmmer e puer Joer no vir, bis een no 270 Säiten um Ufank vum 24. Joerhonnert ukomm ass.

Jeff Thoss / cbi

Carbone & Silicum

D'Zukunft, déi de Bablet eis weist, ass eng Verlängerung vun eiser Géigewaart, well den Theema vu der BD ass de Klimawandel an déi sozial Konflikter, déi domat verbonne sinn, sief dat elo Migratioun oder de Kampf ëm knapp Ressourcen.

D'Carbone wëllt sech fir d'Mënschen engagéieren an ass iwwerzeegt, datt kënschtlech Intelligenz hir Problemer léise kann. De Silicium wëllt par conter mat de Mënschen näischt ze dinn hunn a léiwer esou vill wéi méiglech vum Planéit gesinn, éier e komplett zerstéiert ass.

Dem Mathieu Bablet seng zeechneresch Stäerkt läit bei Landschaften a speziell bei der Architektur. Et gi impressionant Biller vu Stied, déi zu Ruine verfalen, wéi vun Naturspektakel, mat deenen den Zeechner e melancholesche Bléck op d'Welt an hir Verännerung entwërft.

Zwar stéiert eng heiansdo schwéierfälleg Pedagogik, mee soss lount sech dës BD, net nëmmen, well et en opulent Wierk op technesch héijem Niveau ass, mee och, well et hir geléngt, eng ongewéinlech, zäitlech kompriméiert Perspektiv op d'Klima-Kris ze entwéckelen.

An der Mediathéik:

Lauschteren

Méi zum Thema

The Contradictions
Gezeechent

An der autobiographescher Grapic Novel The Contradictions kuckt d'Sophie Yanow op d'Frëndschaft mam Zena zeréck. D'Buch erzielt vun enger Rees duerch Europa an ass eng Mëschung aus Bildungsroman a Roadmovie.

Benkei in New York
Jiro Taniguchi/Jinpachi Mori, Benkei in New York

De Benkei verstoppt zwee Geheimnisser: hien ass ass esouwuel als Konschtfälscher, wéi als Optragskiller gefrot. "Benkei in New York" schaaft eng Mëschung aus Film Noir, Mafia-Epos a Samurai-Geschicht.

Net verpassen

  • Rapport d'activités 2021

    Banner.jpg

    De Rapport d'activités 2021 vum radio 100,7 ass verëffentlecht ginn. E gëtt en Abléck an d'Aktivitéite vun de verschiddene Servicer a Redaktiounen am leschte Joer.

Programm

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen