Zäitgenëssesch Konscht Zentraalt Wierk aus MUDAM demnächst zu Gent?

Dem Wim Delvoye säi Wierk "Chapelle" kéint am Musée fir aktuell Konscht zu Gent ausgestallt ginn. De Kënschtler weist sech iwwerrascht, datt säi Wierk aus dem MUDAM soll verschwannen. Generell beklot de Wim Delvoye sech, datt et ganz schwiereg wier, mat deene Responsabele vum MUDAM ze kommunizéieren. Fir d'nächst Woch wier awer e Gespréich mat der Directrice Suzanne Cotter virgesinn.

Christian Mosar / Serge Kesseler / ys / cz

Wim Delvoye
Wim Delvoye (Foto: Jimmy Kets)

D'Konschtwierk "Chapelle" vum Wim Delvoye ass am MUDAM dauerhaft ausgestallt. Dës Informatioun um Internetsite vum Musée fir zäitgenëssesch Konscht um Kierchbierg ass net méi aktuell.

D'Chapelle soll ofgebaut ginn. Dat gouf e puer Wochen, nodeem déi nei MUDAM-Directrice Suzanne Cotter ugefaangen huet, bekannt.

D'Commande vum Wierk am Joer 2006 hätt präziséiert, datt d'Wierk demontabel a stockabel wier, heescht et am DP-Kulturminister Xavier Bettel senger Äntwert op eng parlamentaresch Fro vum ADR-Deputéierte Fernand Kartheiser.

"Keng Crèche"

"Ech hunn eng Email vun enger Assistentin vun der Madame Cotter kritt, fir mir ze soen, datt si d'Chapelle wäerten demontéieren", seet de Wim Delvoye, deen d'Wierk fir de Mudam entworf huet. "An ech war ganz ganz iwwerrascht."

Déi Plaz wier vum Architekt net fir e Konschtwierk virgesi gewiescht, esou de Xavier Bettel. Hannendru wier e Raum mat Lavabo an Toilette, deen accessibel gëtt a fir pädagogesch Aktivitéite gebraucht kéint ginn.

Ähnlech Grënn hätt de belsche Konzept-Kënschtler vun der Mudam-Directrice genannt kritt. "Mee ech hunn hir explizéiert, datt d'Kanner schonn zimlech dominant am Musée wieren, mam Accent op d'Educatioun vun de Kanner. Et ass ëmmerhi keng Crèche!", seet de Wim Delvoye.

"huet es genuch mat Lëtzebuerg"

Hie géif Muséeë kennen, déi ganz frou wieren, fir säi Konschtwierk illimitéiert auszestellen, seet de Wim Delvoye. Zum Beispill de SMAK zu Gent: "Si wiere frou fir d'Chapelle direkt ze huelen. Dat wäert d'Madame Cotter villäicht e bëssen erféieren. Si huet es genuch mat Lëtzebuerg, si ass ëmmer op der Rees a si wëllt net mat de Leit schwätzen."

Generell beklot de Wim Delvoye sech, datt et ganz schwiereg wier, mat de Responsabele vum MUDAM ze kommunizéieren. Fir d'nächst Woch wier elo e Gespréich mat der Suzanne Cotter virgesinn.

An der Mediathéik:

Invité am Moies-Magazin / /
Lauschteren

Méi zum Thema

Suzanne Cotter
Musée fir zäitgenëssesch Konscht

D'Suzanne Cotter gouf de Moien als nei Direktesch vum Musée fir zäitgenëssesch Konscht confirméiert. Si iwwerhëlt domat d'Successioun vum Enrico Lunghi, deen Enn 2016 demissionéiert hat.

Wim Delvoye a gotescher Betonsmaschinn
Zäitgenëssesch Konscht

Vun de Verdauungsapparater "Cloaca" bis zu neie Barockcamionen. De Wim Delvoye deelt op senger Retrospective "Share" alles mam Lëtzebuerger Public. De belschen Artist fillt sech wuel am Mudam.

Net verpassen

  • Webinaire iwwer ADHS

    Webinar_SCRIPT_2021_10_26_ADHS.JPG

    Opmierksamkeetsdefizit-/ Hyperaktivitéitsstéierung: sensibiliséieren, informéieren a besonnesch d'Léierpersonal forméieren, fir mat Schüler, déi dës Krankheet hunn, ëmzegoen.

Programm

  • Virum Dag vu 6 bis 10

  • On air

    Noriichten

  • Sot emol - Manfred Langner

  • Iwwergang op déi nächst Emissioun

  • Iwwer Mëtteg vun 11 bis 2

Dossieren

  • CinÉast 2021

    Et ass déi véierzéngt Editioun vum CinÉast Filmfestival. Vum 7. bis de 24. Oktober ginn Featuren a Kuerzfilmer aus Länner aus Mëttel- an Osteuropa gewisen. Siwe Filmer sinn an der Kompetitioun.

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen