Abbaye Neumünster: Neie Verwaltungsrotspresident gëtt gesischt

Zënter puer Méint gëtt no engem Successeur vum Guy Dockendorf gesicht, un der Spëtzt vum Verwaltungsrot vum “Centre Culturel de Rencontre Abbaye de Neumünster”. Dat geet ervir aus der Äntwert vun der DP-Kulturministerin Maggy Nagel op eng parlamentaresch Fro vum LSAP-Deputéierte Franz Fayot.

Am 100,7-Interview seet de pensionéierte Premier Conseiller de Gouvernement a fréiere Coordinateur Général am Kulturministère, hien hätt dat net gewosst, an dass hien déi Aarbecht gäre viru gefouert hätt. Den 23. Dezember hat d'Ministerin dem Guy Dockendorf matgedeelt, datt sie sech net gebonne fillt duerch d’Engagementer vun hirer Virgängerin Octavie Modert (CSV).

1989 ass de fréiere Enseignant Guy Dockendorf vum Jacques Santer an de Kulturministère geruff ginn. No senger Pensioun am Oktober 2010 war de Guy Dockendorf an enger Rei Verwaltungsréit vu Kulturinstituter vertrueden. Deen eenzege Posten, dee remuneréiert ass, ass deen un der Spëtzt vun der Abtei Neimënster.

Lauschtert den Interview mam Guy Dockendorf, d'Froe stellt d'Mick Entringer:

Praktesch Infoen

  • Nei Serie: Wellbeing

    Wellbeing

    Bleift gesond a monter zesumme mam 100,7. An eiser neier Serie "Wellbeing" wëlle mir Iech an dësen Zäite mat wäertvollen Informatiounen a Rotschléi begleeden. 

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen