Kannerkëscht Kleng Journalisten, hausmaacher Reen a Matten
Wa ass am Fong d'Aarbecht vun engem Journalist? Dat wäert iech d'Nathalie vum Script erklären. D'Michèle vun FNR weist eis, wéi ee Reen doheem ka maachen, a beim Naturmusée, also besser beim Carmen a beim Philippe, sinn d'Matte lass.
D'Nathalie vum Script beschreift eis, wéi d'Aarbecht vun engem Journalist ausgesäit, a wat een do alles ka maachen.
Ob een en Artikel fir eng Zeitung, wéi zum Beispill "De Piwitsch" schreiwen, oder eng Reportage fir de Radio, oder eng Reportage maache wëll: et muss ee virun allem virwëtzeg sinn.
Wat hu mer am Summer dach op e gewaart, dee Reen, mee mir kruten a krute keen: d'Michèle vum FNR erkläert eis, wéi Reen entseet, an och wéi ee e bësse Reen doheem ka maachen.
A beim Naturmusée do si Matte lass, an do erënnert sech d'Carmen u säin éischten Artikel, deen hatt fir "De Panewippchen", d'Zeitung vum Naturmusée, geschriwwen huet.
Méi zum Thema
Den Zwergplanéit Pluto, de kierperlechen Effort an Schoul dobaussen
Wisou ass de Pluto kee Planéit méi, mee just nach en Zwergplanéit? D'Michèle weist iech, wat geschitt, wann eise Kierper sech ustrengt. Mam Nathalie gi mir an d'Schoul an zwar dobaussen, wou ee wibbele kann.
E Réi, en Hirsch, Loft an e Roboter
Wat ass den Ënnerscheed tëschent engem Réi an engem Hirsch? Där Fro gi mir op de Fong. Mir hunn och en Experiment wou mir moossen, wéi vill Loft an eise Longen ass. An d'Nathalie vum Script invitéiert op d'Robotikwoch.
