Weltfraendag 2019
1911 ass an Dänemark, Däitschland, Éisträichesch-Ungarn an an der Schwäiz den 1. europäesche Fraendag gefeiert ginn.
Vertriederinne vu sozialisteschen Organisatiounen hu sech domat oppe fir Gläichberechtegung, d'Wahlrecht fir béid Geschlechter an d'Emanzipatioun agesat. 100 Joer drop, am Joer 2011, huet sech Lëtzebuerg fir d'éischte un der Aktioun bedeelegt.
Andréck vum Protestmarch aus der Stad
A ganz Europa sinn um Weltfraendag Manifestatioune fir sech fir d'Gläichberechtegung tëschent Fraen a Männer anzesetzen. Och hei zu Lëtzebuerg haten an der Mëttesstonn eng Rei ONGen, Parteien a Gewerkschaften zu engem Protestmarsch an der Stad opgeruff.
"Feminismus ka kee schlecht Wuert sinn"
Feministen hätte fir d'Frae vun haut gekämpft an et hätt een hinne vill ze verdanken. Där Meenung ass d'Lou Reckinger, Member beim Grupp "Voix des jeunes femmes". Dëse Kampf misst ee weiderféieren.
Weltfraendag an der Abtei Neimënster
Wéi steet et ëm d'Fraerechter zu Lëtzebuerg? Wéi wichteg ass et, geziilt Manifestatioune ronderëm den 8. Mäerz ze organiséieren? D'Valerija Berdi am Gespréich mat der Ainhoa Achutegui.
Mirjam Sachse iwwer d'Clara Zetkin
D'Clara Zetkin ass eng vun de bedeitendsten Aktivistinnen, déi sech fir d'Rechter vun de Fraen agesat huet. D'Valerija Berdi huet mat der Dr. Mirjam Sachse vum Archiv der deutschen Frauenbewegung Kassel iwwer d'Clara Zetkin geschwat.
Selma Hadrovic-Schauls
Am Kader vum Internationalen Dag vun de Fraerechter ass déi passionéiert Musekerin a Poetin eis Invitée. Si erzielt iwwer hir Musek, hire Wee vu Mostar op Lëtzebuerg a si spillt och e Stéck um Piano.
Erausfuerderung Botzsecteur - En Temoignage
"Mir perséinlech geet et gutt, mee et gi genuch Persounen am Secteur, déi mat schwierege Verhältnisser ze kämpfen hunn." Dat seet d'Lara, Mamm vun dräi Kanner an zanter zéng Joer am Botzsecteur ugestallt.
Meenung
Eng international Perspektiv op den internationale Fraendag
Feminismus, Pazifismus an Ëmweltschutz gehéieren zesummen, fënnt d'Isabelle Schmoetten vum CID | Fraen an Gender a fuerdert eng international Perspektiv op den internationale Fraendag, den 8. Mäerz 2019.
