De virtuelle Concertssall Mam Haydn zu Paräis
Lauschtert e Live-Matschnëtt vun de Solistes Européens, Luxebourg ënner der Direktioun vum Christoph König. Um Programm stinn nieft zwee Wierker vum Jacques Ibert och zwou Symphonie vum Joseph Haydn.
D'Symphonien Nummer 82 bis 87 vum Joseph Haydn sinn an de Joren 1784 an 1785 entstanen op Commande vumMatgrënner vun der Paräisser Concertsrei "Concert de la Loge Olympique", dem Claude-François-Marie Rigoley.
D'Concerts de la Loge Olympique waren zënter 1781, nieft de Concerts spirituels", déi wichtegst Concertsrei zu Paräis. Sie gouf vun der räicher an aflossräicher Freimaurerloge "de la parfaite Estime & Société Olympique" gedroen, déi hir Concerten an der Salle des Cent-Suisses an den Tuilerien organiséiert. Den Orchester huet op d'mannst zu zwee Drëttel aus Beruffsmuseker bestanen, déi a bloe Räck gespillt hunn.
Am Joer 1786 hat den Orchester maximal 65 Museker, also däitlech méi wéi den Haydn der um Haff Esterhazy zur Dispositioun hat.
Joseph Haydn: Symphonie Nr 85, "La Reine de France" 00:00/-01:07:42
Jacques Ibert: Suite Symphonique 17'19 /-00:50:23
Joseph Haydn: Symphonie Nr 87 31'31 /-00:36:11
Jacques Ibert: Divertissement 51'25 / -00:16:18
Interpreten:
Solistes Européens, Luxembourg
Christoph König, Direktioun
De radio 100,7 huet dëse Live-Matschnëtt de 17. November 2014 an der Philahrmonie opgeholl. Dir kënnt dësen Optrëtt nach bis den 29. Abrëll 2020 am vrituelle Concertssall lauschteren.
Méi zum Thema
Nuechtmuseken
"Er weiß nicht, welchen Weg er schreitet, aber er geht dem fernen Lichte zu - ob dies das ewig strahlende Gestirn oder ein lockendes Irrlicht ist!". Lauschtert dem Mahler seng 7. Sinfonie mam OPL.
