De virtuelle Concertssall Komponéieren als Therapie
Mat der Aarbecht u sengem zweete Pianosconcerto zitt sech de Sergei Rachmaninow aus enger déiwer Kris. Lauschtert de Live-Matschnëtt vun dësem Wierk mam OPL an dem Solist Mikhail Pletnev.
1901 komponéiert de Sergei Rachmaninow säin zweete Pianosconcerto. Dëst Wierk markéiert eng wichteg Etapp am Liewe vum Komponist, deen no der hefteger Kritik u senger éischter Symphonie an eng zolidd perséinlech Kris gerode war, wéi sech de Komponist erënnert:
"Wenn es je eine Zeit gab, in der ich Selbstvertrauen hatte, so liegt sie lange zurück. Die Krankheit hat mich ein für allemal gepackt und ist, fürchte ich, in den letzten Jahren eher schlimmer geworden. Irgendwann werde ich wohl das Komponieren ganz aufgeben."
En ass bei een Neurolog a Behandlung gaangen, deen en mat Hëllef vun der Hypnos therapéiert huet.
Matt deem neie Pianosconcerto hat de Rachmaninow des schwéier Zäit gutt iwwerwonnen. Säin Opus 19 hat direkt grousse Succès an ass bis haut ganz populär. Seng Karriär huet neien Opschwong krut - och duerch privat Verännerungen: de Komponist hat sech 1902 bestuet. 1904 gouf en Dirigent um Moskauer Bolschoi-Theater. Vun 1906 un war d'Famill Rachmaninow de Wanter iwwer fir zwee Joer zu Dresden, wou déi zweet Symphonie entstanen ass.
Sergei Rachmaninov: Concerto fir Piano an Orchester Nr. 2 00:00:00 / -01:46:13
Sergei Rachmaninov: Symphonie Nr. 2 00:46:49 / -00:59:22
Interpreten:
Philharmoneschen Orchester Lëtzebuerg
Mikhail Pletnev, Piano
Juraj Valčuha, Direktioun
De radio 100,7 huet dëse Live-Matschnëtt den 3. Dezember 2015 an der Philharmonie opgeholl. Dir kënnt dësen Optrëtt nach bis den 1. Mee am vrituelle Concertssall lauschteren.
Méi zum Thema
Strauß-Walzer mam OCL
Fledermaus, Pizzicato-Polka oder de Kaiserwalzer: Den Orchestre de Chambre du Luxembourg interpretéiert ënner der Direktioun vum David Reiland e komplette Strauß-Programm am Cercle Cité zu Metz.
Nuechtmuseken
"Er weiß nicht, welchen Weg er schreitet, aber er geht dem fernen Lichte zu - ob dies das ewig strahlende Gestirn oder ein lockendes Irrlicht ist!". Lauschtert dem Mahler seng 7. Sinfonie mam OPL.
