De radio 100,7 Archiv Op Besuch beim Josy Braun

Iwwersetzer, Sproochwëssenschaftler, Acteur op der Bün an am Film, Kabarettist, Auteur vun Theaterstécker, Héierspiller, Gedichter, Romaner a Kannerbicher, alles dëst huet den Invité Josy Braun, bei deem de Claude Mangen am Januar 2008 op Besuch war, opweises. Kannerbicher schreiwen huet den Josy Braun awer net vun Ufank u gemaach. Wéi ass dozou koum an wéini? Dëst a vill méi erzielt hien eis an dësem Interview.

Josy Braun, Jhemp Hoscheit, Pol Pütz
Josy Braun, Jhemp Hoscheit a Pol Pütz. © 2021 Luxemburger Wort – Fotograf : Guy Wolff - Tous droits réservés – Des licences d’utilisation de droits d’auteur peuvent être obtenues à travers www.luxorr.lu

De Journalist a Schrëftsteller ass zu Wecker opgewuess, goung zu Biwer an d'Primärschoul a spéider op Clairefontaine an de Kolléisch. Nom Militärdéngscht huet de Josy Braun an der Usine de Wecker ugefaange mat schaffen, fir dann tëschent 1960 a 1972 Gewerkschaftssekretär beim LCGB ze sinn.

1973 koum hien op Esch an d'Redaktioun vum Tageblatt a blouf bis 1991 haaptberufflech Journalist. Zanterhier war hie fräischaffende Schrëftsteller. Brauns Jos seng Interesse ware villsäiteg: Iwwersetzer, Sproochwëssenschaftler, Acteur op der Bün an am Film, Kabarettist, Auteur vun Theaterstécker, Héierspiller, Gedichter, Romaner a Kannerbicher.

Véier Konstante loossen sech am Wierk vum Josy Braun erauskristalliséieren: satiresch a gesellschaftskritesch Texter, Lëtzebuerger Geschicht, Kanner- a Jugendliteratur an d'Lëtzebuerger Sprooch.

De Claude Mangen huet sech 2008, bei Geleeënheet vum Josy Braun sengem 70., iwwer all dës villsäiteg Aktivitéiten ënnerhalen, awer och iwwer seng Aarbecht als Journalist zu enger Zäit, wou villes am Ëmbroch war.

Net verpassen

Programm

Dossieren

  • Alles iwwer de Podcast Schlechte Schüler

    An eisem Dossier fannt dir sämtlech Episode vun eisem Podcast Schlechte Schüler, Interviewe mat Schoulexperten an déi komplett Transkripter vun den eenzelnen Episoden.

  • Chamberwalen 2023

    Den 8. Oktober gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen