De radio 100,7 Archiv Op Besuch beim Claude Conter

De Claude Mangen war am Dezember 2007 op Besuch beim Lëtzebuerger Schrëftsteller an Enseignant Claude Conter. Zu Iechternach an zu Esch am Lycée huet hie Franséisch ginn. Hien huet e puer Bicher geschriwwen a fir verschidden Zeitungen hei am Land Texter verfaasst, ënner anerem fir Les Cahiers luxembourgeois, Le Phare an och fir La Voix des Jeunes.

Claude Conter
Foto: Wolfgang Osterheld

De Professer Claude Conter, Joergank 1929, huet Romanistik op den Universitéiten Aix-en-Provence, Montpellier a Paräis studéiert. Hien huet Franséisch enseignéiert am Lycée zu Iechternach, éier hie vun 1959 bis 1990 op Esch an de Jongelycée koum. No 1974 huet hien och franséisch Literaturgeschicht um Cours Universitaire Lëtzebuerg an op der Uni Salzburg ënnerriicht.

Mat 20 Joer huet de Claude Conter säin éischte Geschichtsband "Nuits de Crystal" ënner dem Anagramm Lucrèce Nardot publizéiert. Tëschent 1962 an 1969 war hie Mataarbechter beim Le Phare an huet an de Rubrike Lettres à Sophie an Digressions Honnerte vun Artikele geschriwwen, an deenen hie sech mat der kultureller, politescher a sozialer Aktualitéit vu Lëtzebuerg auserneegesat huet. 2002 gouf eng Auswiel vun dësen Texter publizéiert.

De Claude Mangen huet sech 2007 mam Claude Conter iwwer säi Liewen a Wierk, wéi och iwwer déi kulturell a literaresch Entwécklung zanter senger éischter Publikatioun 1949, ënnerhalen.

Net verpassen

  • 17.10. De Gudden Toun

    De Gudden Toun.jpg

    Wann d'Deeg méi kal, gro a kuerz ginn, stécht deen een oder anere vläicht de Kapp nees méi an déi sozial Medien. An der Oktober Editioun schwätzen de Roland Meyer, Ian De Toffoli, Raoul Biltgen, Jeff Schinker an d'Anne Klein.

Programm

Dossieren

  • CinÉast 2021

    Et ass déi véierzéngt Editioun vum CinÉast Filmfestival. Vum 7. bis de 24. Oktober ginn Featuren a Kuerzfilmer aus Länner aus Mëttel- an Osteuropa gewisen. Siwe Filmer sinn an der Kompetitioun.

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen