De radio 100,7 Archiv Erlieft a Verzielt: Ernest Michels

Am Juni vum Joer 2005 krut den Carlo Link en Abléck an d'Aarbecht vum fréiere Protokollchef am Staatsministère. Den Ernest Michels, 1930 gebuer, huet vun 1955 bis 1991 am Staatsdéngscht geschafft an dovun 33 Joer am Staatsministère ënner de Premierministere Pierre Werner, Gaston Thorn a Jacques Santer.

Marcel Mart, Jacques Santer, Ernest Michels a seng Fra & Pierre Werner
V.l.n.r.: Marcel Mart, Jacques Santer, Ernest Michels a seng Fra & Pierre Werner©2021 Luxemburger Wort–Photographe: Teddy Jeans–Tous droits réservés–Des licences d’utilisation de droits d’auteur peuvent être obtenues à travers www.luxorr.lu

Vun 1955 bis 1991 war den Ernest Michels (1930) am Staatsdéngscht beschäftegt, dovun hat hien 33 Joer am Staatsministère ënner de Premierministere Werner, Thorn a Santer gedéngt. Seng Funktioune si gaange vum Administratiouns-Personalchef iwwer d'Koordinatioun vun de Chamberwalen, d'Direktioun vum Büro vun den nationale Verdéngschtuerde bis hin zum Chargé du protocole am Staatsministère.

Ordre de Mérite civil et militaire d'Adolphe de Nassau - Ordre de Mérite du Grand-Duché de Luxembourg - Ordre de la Couronne de chêne © SIP / Christof Weber

Besonnesch an dëser leschter Funktioun hat sech den Ernest Michels en Numm gemaach, deen iwwer d'Grenze bekannt war, als Koordinator bei Staatsvisitten an der Zesummenaarbecht mat der Cour Grand-ducale an dem Protokoll vum Ausseministère oder als Matorganisateur vu verschiddenen ëffentleche Fester a Zeremonien, wéi bei Empfäng vun der Regierung. Hei war Fangerspëtzegefill, Organisatiounstalent an Erfarung gefrot, zemol wann am leschte Moment de Programm changéiert huet a wann huet missen improviséiert ginn.

L'ordre du Lion d'or de la maison de Nassau - Bijou, avers et Plaque © SIP / Christof Weber

Den Inspecteur principal honoraire Ernest Michels kuckt zeréck a verzielt vu senge verschiddene Funktiounen am Staatsministère am Kontakt mat de Politiker an anere Perséinlechkeeten, wou et un Anekdoten net feelt.

Eng Emissioun vum Carlo Link aus dem Joer 2005

Net verpassen

Programm

Dossieren

  • Alles iwwer de Podcast Schlechte Schüler

    An eisem Dossier fannt dir sämtlech Episode vun eisem Podcast Schlechte Schüler, Interviewe mat Schoulexperten an déi komplett Transkripter vun den eenzelnen Episoden.

  • Chamberwalen 2023

    Den 8. Oktober gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen