De radio 100,7 Archiv Binôme: Jean-Claude Juncker an Edmond Israel
1998 huet de Jean Portante seng Emissioun "Visitekaart" mat enger klenger Verännerung um 100,7 ulafe gelooss. Den Titel dovu war "Binôme" an huet aus zwou Perséinlechkeete bestanen.
Eng nei Emissioun an där de Jean Portante zwou Perséinlechkeeten aus der sozio-kultureller Zeen (Kultur, Politik, Wëssenschaft, Sport, asw.) vum Land empfänkt. Zwou Perséinlechkeeten aus demselwechte Beräich, déi sech schätzen, eppes mateneen ze dinn hunn, a Loscht hunn een iwwer deen aneren ze schwätzen. Zwee Portraiten entstinn esou, op eng originell Aart a Weis gezeechent.
Déi Zweet een Invité vun der Éischter. De Start huet den Jean Portante mam deemolege Premier Minister vu Lëtzebuerg gemaach, dem Jean-Claude Juncker. Deen dorops hi säin Virbild mat an de Studio bruecht huet. Eng Fro vum Jean Portante un de Jean-Claude Juncker war, wéi gutt hie säin Virbild, den Edmond Israel, wierklech géif kennen.
Ee ganz Intime Portrait vum Jean-Claude Juncker an dem Edmond Israel. Wou et net nëmmen ëm Politik an d'Lëtzebuerger Finanzplaz geet, mee wou zwou Persounen hir Frëndschaft dem Nolauschterer no bréngen. Fir dës Frëndschaft besser kënnen ze léiere kënnt dir hei déi ganz Emissioun nach emol lauschteren:
