Zwou Beruffschambere plangen "Héichschoul vun der Wirtschaft"

D’Chambre de Commerce an d’Handwierkerkammer envisagéieren d’Schafe vun enger "Fachhochschule der Wirtschaft". Déi Héichschoul wier komplementar zur Universitéit a géing an enger éischter Phase de Bachelor-Niveau viséieren. Am Hierscht kéint dee konkrete Projet presentéiert ginn.

Am Beräich vun der Formation continue hunn d’Chambre de Commerce an d’ABBL de Projet vun der Fondatioun "Maison de Formation du patronat" praktesch stoen. D’Statute vun där Fondatioun ginn elo finaliséiert. Am Januar d’nächst Joer kéint een domadder lassfueren, esou den Direkter vun der Chambre de Commerce, de Carlo Thelen. Och do ginn et Gespréicher mat der Handwierkerkammer iwwert eng Participatioun un deem Projet.

Béid Beruffschambere wëllen iwwerdeems an Zukunft nach méi enk zesummeschaffen. Gespréicher ginn et iwwert ee gemeinsame Guichet unique fir d’Betriber ze beroden an ze begleeden. De Wirtschaftsministère, d’Chambre de Commerce an d’Handwierk kéinten do eng gemeinsam Struktur schafen.

De Bäitrag vum Carole Schimmer:

 

Et gouf och schonn éischt Gespréicher mam zoustännegen Héichschoulministère. De Staatssekretär Marc Hansen seet, de Ministère hätt staarken Interessen un esou engem Projet interesséiert. Et wier d'Zil vun der Regierung, fir d’Ausbildung méi un d’Besoine vun der Wirtschaft unzepassen. Esou eng Fachhéichschoul hätt ee scho laang kënne schafen, esou de Marc Hansen am Gespréich mam Carole Schimmer:

Programm

  • Vu 6 bis 10

  • On air

    Vun 10 bis 2

  • Vun 10 bis 2

  • Resonanzen

  • Vun 3 bis 6

Net verpassen

  • 24.4. Riicht eraus: Frank Engel

    Frank Engel

    Deen Dag, op deem d'CSV sech mam Claude Wiseler en neie President gëtt, kënnt säi Virgänger an den 100,7-Interview fir aus senger Siicht ze erklären, firwat dat net geklappt huet mat him an där gréisster Oppositiounspartei. 

Liveticker
Abonéiert eis Newsletter

Dossieren

  • Kulturjoer Esch2022

    Esch, zesumme mat anere ProSud-Gemengen a franséische Grenzgemengen, ass 2022 europäesch Kulturhaaptstad. An eisem Dossier fannt Dir alles iwwer d'Hannergrënn an d'Projeten, déi fir d'Kulturjoer entstoe wäerten.

  • Déi eeleft Editioun vum LuxFilmFest

    Trotz Pandemie gëtt de Luxembourg City Filmfestival organiséiert. Déi 11. Editioun (4.-14. Mäerz) kritt dëst Joer awer eng liicht aner Nues: Filmer ginn deels am Kino deels online gewisen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen