Xavier Bettel: Solidaritéitsmarsch zu Paräis war een emouvanten a staarke Moment
De grousse Solidaritéitsmarsch zu Paräis war een emouvanten a staarke Moment, esou de Xavier Bettel am 100,7-Interview. Beim Empfank vun de ronn 60 Staats- a Regierungschefen am Elysée wier d’Atmosphäre gedréckt gewiescht, esou de Premier.
De Message vun de Bierger misst elo seriö geholl ginn. Um EU-Sommet an engem Mount misst doriwwer diskutéiert ginn. Bei verschäerften Antiterrormesurë misst et de richtegen Equiliber fonnt ginn, op Basis vun den Experienzen aus den eenzelne Länner, huet de Xavier Bettel betount. Aus den Erfahrunge misst geléiert ginn an den Echange wier méi wichteg wéi je. Och d’Präventioun wier ganz wichteg, esou de Premier. Dozou géif och d’Kooperatiounspolitik gehéieren.
Den Interview vum Serge Kesseler mam Premier Xavier Bettel
