Affär Dieschbourg/Traversini Weider onkloer wien den Dossier iwwerhuele wäert

Wie gëtt zoustänneg fir déi juristesch Enquête an der Affär Dieschbourg/Traversini? Gutt dräi Woche sinn et hir, datt de Parquet der Chamber den Dossier iwwerreecht huet, an zanterdeem gëtt et keng definitiv Äntwert ob d'Chamber oder d'Justiz d'Affär weider féiere mussen. Den Affekot vun der fréierer Ëmweltministerin hätt am Léifsten, d'Justiz géif den Dossier nees iwwerhuelen. Dofir héieren d'Presidentekonferenz an de Chamberbüro de Mëtteg op Demande vun déi Gréng de Verfassungsexpert Luc Heuschling.

Jean-Claude Franck / Serge Kesseler

Chamber
Foto: Archiv

Lauschteren


De Luc Heuschling hat an Interviewen ënner anerem hei um Radio gemengt, d'Justiz kéint d'Instruktioun weider féieren, well d'Carole Dieschbourg als Ministesch demissionéiert huet. D'Chamber hat enger éischter Diskussioun awer gemengt, et wier un hir den Dossier ze iwwerhuelen.

De François Prüm, Affekot vun der Carole Dieschbourg, weist sech skeptesch, datt der Carole Dieschbourg hir Rechter respektéiert ginn, wann d'Carole Dieschbourg vun den Deputéiert an der Chamber ugeklot gëtt.

Onkloer ass dat Ganzt, well Regierungsmemberen der Verfassung no net kënne vun engem Untersuchungsriichter ugeklot gi mee just vun der Chamber. Et gëtt awer kee Gesetz fir d'Detailer ze reegelen, esou datt d'Modalitéiten onkloer sinn, an et stellt sech eben och d'Fro, ob dee Verfassungspassage och nach gëllt, wann d'Ministesch an Tëschenzäit demissionéiert huet.

Den LSAP-Fraktiounschef Yves Cruchten sot eis virum Weekend, et wéilt keen eppes verschleefen. Et wier awer "net verkéiert" den Expert Luc Heuschling de Mëtteg ze héieren. An den nächsten Deeg sollt dann eng - Zitat "raisonéiert Decisioun" vun der Chamber geholl ginn. D'Chamber dierft sech keng Feeler erlaben, huet de sozialistesche Fraktiounschef gemengt.

Den CSV-Co-Fraktiounschef Gilles Roth sot eis, et géife Prozedurrisike ginn. Wann den Dossier zréck un de Parquet geet, kéint eng Verletzung vum Untersuchungs-Geheimnis opgeworf ginn, well d'Deputéiert Accès zum Dossier iwwer d'Virenquête haten.

D'Carole Dieschbourg hat viru gutt dräi Wochen demissionéiert nodeems de Parquet der Chamber de virleefege Rapport iwwermëttelt hat. D'Carole Dieschbourg respektiv den Ëmweltministère stinn am Verdacht, de fréiere gréngen Député-Maire Roberto Traversini an enger Autorisatiounsprozedur bevirdeelegt ze hunn.

Méi zum Thema

Gilles Roth
Affär Dieschbourg/Traversini

Wann den Dossier zeréck un de Parquet géif goen, mam Motiv, datt d'Chamber net zoustänneg wier, da kéint no Meenung vum Gilles Roth eng Verletzung vum Untersuchungs-Geheimnis opgeworf ginn, well d'Chamber Accès zum Dossier iwwer d'Virenqueête hat.

François Prüm
Causa Dieschbourg

Den Affekot vun der fréierer Ëmweltministesch Carole Dieschbourg géif et begréissen, wann de Parquet den Dossier géif iwwerhuelen. D'Membere vum Parquet wieren "héichspezialiséiert" an deem Droit, erkläert de François Prum.

Net verpassen

Programm

  • Virum Dag vu 6 bis 10

  • On air

    Panorama

  • Virum Dag vu 6 bis 10

  • Noriichten

  • Sot emol

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen