Technologie Web Summit zu Lissabon

Gëschter ass an der portugisescher Haaptstad Lissabon de Web Summit op en Enn gaangen. Op enger vun de gréissten Technologie-Konferenzen op der Welt si während dräi Deeg Entrepreneuren, Investisseuren, Internet-Staren, mee och Politiker a Sportler openeegetraff.

Philip Crowther (Lissabon) / cbi

De Christoph Rieche (CEO vun iwoca), den James Ball (Global Editor, The Bureau of Investigative Journalism) an de Philip Crowther (International Affiliate Reporter, Associated Press)
De Christoph Rieche (CEO vun iwoca), den James Ball (Global Editor, The Bureau of Investigative Journalism) an de Philip Crowther (International Affiliate Reporter, Associated Press). Foto: Cody Glenn / Web Summit via Sportsfile

70.000 Léit waren dës Woch um Web Summit zu Lissabon, en Evenement, dat ëmmer méi grouss gëtt an ëmmer méi Staren ulackelt.

Um éischten Owend huet de Whistleblower a fréieren NSA-Mataarbechter Edward Snowden sech vu Moskau aus an der grousser Concert-Arena gemellt. Hien huet déi grouss Tech-Firme Google, Amazon, a Facebook ugegraff.

De President vu Microsoft Brad Smith sot, datt hie sech Suerge mécht, datt kënschtlech Intelligenz och ka mëssbraucht ginn. Op enger anerer Bühn huet de fréiere franséische Fussballstar Eric Cantona professionell Spiller opgeruff, ee Prozent vun hire Gewënner un e gudden Zweck ze ginn.

An deem eklektesche Gewulls probéieren eng Rei Lëtzebuerger Start-Uppen entdeckt ze ginn, oder eng nei Rei Clienten an Investisseuren ze fannen.


Lauschtert de Reportage vum Philip Crowther

An der Mediathéik:

Aktuelles / / Philip Crowther
Lauschteren

Méi zum Thema

Digital Inclusion
Digital Inclusion

En Informatiker wollt Flüchtlinge beim Accès zum Internet verhëllefen. Aus engem spontane Gefale gouf ee Projet, dee Welle schléit. D'Zil ass et, datt jiddereen zu Lëtzebuerg ee Computer kann hunn.

Programm

  • Iwwer Mëtteg

  • On air

    Resonanzen

  • Spektrum

  • Ënnerwee

  • Time Out

Net verpassen

Dossieren

  • Affär Traversini/Dieschbourg

    De Roberto Traversini ass als Buergermeeschter an Deputéierten zeréckgetrueden. Hannergrond sinn Autorisatioune fir d'Aarbechten un engem Gaardenhaischen an d'Fro, ob hie bevirdeelegt ginn ass.

  • Kuriositéiten aus der Lëtzebuerger Sprooch

    Si oder hatt? Zwee oder zwou? Domat oder domadder? Lëtzebuergesch ass och fir Mammesproochler net ëmmer einfach. Mir ginn der Saach op de Fong.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen