Gratis ëffentlechen Transport "Wat näischt kascht, dat ass och näischt"

D'Presidentin vun der Eisebunnergewerkschaft Syprolux kritiséiert d'Iddi vum gratis ëffentlechen Transport. "Wat näischt kascht, dat ass och näischt" esou d'Kritik vun der Mylène Bianchy. D'Iddi wier ee Schrëtt zeréck a se wier och net an Aklang mat engem qualitativ héichwäertegen ëffentlechen Transport ze bréngen.

Milène Bianchi
Milène Bianchy

De Syprolux fäert, datt d'Personal op verschidde Posten ofgebaut gëtt. Dat gëllt ënner anerem fir d'Zuchbegleeder a fir d'Personal an de Guicheten. Fir d'Sécherheet op der Bunn ze verbesseren, fuerdert de Syprolux iwwerdeems eng speziell Police-Unitéit.

Ënner dem Slogan "E Schrëtt an d'Zukunft" geet d'Eisebunnergewerkschaft Syprolux an d'Sozialwahlen. Do zeechent sech eng Erneierung un. Zwee Drëttel vun de Kandidate ware bis elo nach ni op enger Lëscht, seet d'Mylène Bianchy.

Am Mëttelpunkt vum Wahlkampf steet de Problem vum Manktem u Personal. D'Direktioun vun den CFL ass bereet nei Leit ze rekrutéieren. Et wier awer schwiereg fir qualifizéiert Leit ze fannen. Dowéinst misst intern d'Ausbildung eng Prioritéit ginn. Weider Problemer géifen et bei der Eisebunn ginn, wéinst de ville Schantercher, déi et um Reseau ginn. D'Schichtaarbecht bei den CFL hätt zougeholl, "d'Aarbechtsbestëmmunge sinn op der Bunn ganz kloer ze verbesseren", seet d'Mylène Bianchy. Virun allem an der Infrastruktur-Spart géifen et Problemer ginn. Déi Leit déi op de Gleiser, de Schinnen oder der Signalisatioun schaffen, musse wéinst de Schantercher ëmmer méi während der Nuecht schaffen oder de Weekend a während de Vakanzen. Dat wier awer déi eenzeg Méiglechkeet fir de Reseau auszebauen, sou d'Mylène Bianchy.

An der Mediathéik:

Invité vum Dag / / Carole Schimmer
Lauschteren

Méi zum Thema

2018-11-23-Koalitiounsgespréicher
Koalitiounsverhandlungen

DP, LSAP an déi gréng hunn e virleefege Kompromëss fonnt fir den ëffentlechen Transport gratis ze maachen. Als Géigepartie soll déi steierlech Kilometerpauschal reduzéiert ginn. D'Zuele sollen awer nach emol duerchrechent ginn.

Zuchaccident optimised
Tëscherapport Zuchaccident

Zwee Haaptfacteuren hunn zum Zuch-Accident de 14. Februar 2017 zu Diddeleng gefouert. Dat steet am Tëscherapport vun der Administration des enquêtes techniques, deen um Méindeg publizéiert gouf.

Programm

Praktesch Infoen

  • 27.5. Generatiounen

    27.5. Generatiounen

    Sonn duerch Vitaminnen, eng richteg Kinosfamill an de Feeling vum Café des Artistes bei Iech an d'Stuff

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen