Wanteraktioun: 110 Persounen an der Iwwernuechtungs-Struktur

110 Persoune ginn am Ablack an der Iwwernuechtungs-Struktur um Findel ënnerbruecht, déi am Kader vun der Wanteraktioun agesat gëtt. Ënnert deene Persoune sinn och dräi Famille mat siwe Kanner, déi zanter e puer Wochen an der Struktur um Findel iwwernuechten. Dat jéngst Kand ass ee Puppelche vun engem Mount. Am Prinzip dierfen d’Strukture vun der Wanteraktioun keng Kanner ophuelen, well dat net deen adequate Milieu ass fir Kanner.

An der Struktur um Findel ginn et nieft zwee Dortoirë fir d’Männer och Zëmmer fir Famillen.

D’Maxime Pax (Inter-Actions) vun der Wanteraktioun, um Mikro vum Carole Schimmer:

 

D’Kanner ginn iwwregens weder an d’Schoul nach an eng Maison Relais. Grad ewéi d’Erwuessener mussen d’Famille mat hire Kanner während dem Dag de Nuetsfoyer um Findel verloossen. Et gëtt awer an der Stad eng weider Opfaangstruktur, déi fir d’Iessen zoustänneg ass an déi vun der Croix-Rouge geréiert gëtt.

De Familljeministère suivéiert déi Situatioun.

Programm

  • Vu 6 bis 10

  • On air

    Vun 10 bis 2

  • Vun 10 bis 2

  • Resonanzen

  • Vun 3 bis 6

Net verpassen

  • 24.4. Riicht eraus: Frank Engel

    Frank Engel

    Deen Dag, op deem d'CSV sech mam Claude Wiseler en neie President gëtt, kënnt säi Virgänger an den 100,7-Interview fir aus senger Siicht ze erklären, firwat dat net geklappt huet mat him an där gréisster Oppositiounspartei. 

Liveticker
Abonéiert eis Newsletter

Dossieren

  • Kulturjoer Esch2022

    Esch, zesumme mat anere ProSud-Gemengen a franséische Grenzgemengen, ass 2022 europäesch Kulturhaaptstad. An eisem Dossier fannt Dir alles iwwer d'Hannergrënn an d'Projeten, déi fir d'Kulturjoer entstoe wäerten.

  • Déi eeleft Editioun vum LuxFilmFest

    Trotz Pandemie gëtt de Luxembourg City Filmfestival organiséiert. Déi 11. Editioun (4.-14. Mäerz) kritt dëst Joer awer eng liicht aner Nues: Filmer ginn deels am Kino deels online gewisen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen