Gesondheets- a Fleegesecteur Michel Simonis: Waarden op de Staat
De Generaldirekter vum Roude Kräiz fuerdert, datt de Staat "de Virementsziedel eraushëlt". Nëmme sou kéint de Fonctionnement vun alle Servicer am Gesondheets- a Fleegesecteur garantéiert ginn.
Bei der Reform vun der Fleegeversécherung huet een et mat engem Spuerpak ze dinn, seet de Generaldirekter vum Roude Kräiz. De Michel Simonis hofft, datt virum Depot vum Projet de Loi nach Akzenter kënne gesat ginn. Aktuell féiert de Sozialminister Romain Schneider lescht Gespréicher mat de Sozialpartner.
Am Gesondheets- a Fleegesecteur ginn aktuell nei Kollektivverträg verhandelt, déi eng Opwäertung vun de Carrièrë virgesinn. Den Dossier schleeft awer, obwuel d'Regierung sech verbal engagéiert huet, déi Opwäertung finanziell mat ze droen.
"De Staat muss de Virementsziedel eraushuelen", esou de Michel Simonis. Dem Generaldirekter vum Roude Kräiz no géingen d'Prestatairen am Fleegesecteur all Mount Sue bäileeën, bei de Prestatiounen an de Paien. De Ball léich kloer bei der Regierung a bei der Sécurité sociale. De Secteur kéint net bougéieren, wann de Staat keng kloer Indikatioun iwwert eng finanziell Hausse géif ginn.
D'Lëtzebuerger Rout Kräiz hat d'lescht Joer en Ëmsaz vun 140 Milliounen Euro gemaach. "Dat geet net eleng mat Spenden", esou de Michel Simonis. D'Associatioun, déi am Sozialen, Humanitären a Gesondheetsberäich aktiv ass, misst all Joer 4 Milliounen Euro Eegemëttel bäidroen. Soss géinge verschidde Servicer net méi fonctionnéieren.
An der Mediathéik:
LauschterenMéi zum Thema
Beweegte Schoul
Well vill Kanner sech haut zu Daags net méi genuch beweegen, gëtt an der Schoul zu Noumer Beweegung an de Couren integréiert. de Konstat: Kanner kënn sech besser konzentréieren.
"Patronat soll net méi op Zäit spillen"
De Sozialminister huet Versteesdemech fir d’Mobiliséierung vun de Gewerkschaften aus dem Gesondheets- a Sozialsecteur. D'Regierung géif sech fir d'Opwäertung vun de Carrièren engagéieren.
