Fussball-WM USA-Iran: Ee politesch brisante Match

Fir d'éischte Kéier zanter 1998 spillen d'USA géint den Iran an engem WM-Match. Am Iran demonstréiere vill Leit géint déi brutal Repressioun vum Regimm. D'USA hu sech fir d'Manifestanten ausgeschwat.

Philip Crowther (Doha, Katar) / cbi

Fussball-WM am Katar
Symbolbild. Foto: picture alliance / PRO SHOTS | Marcel van Dorst

Lauschteren


D'Politik ass net aus dëser WM ewechzedenken, besonnesch net, wann um Terrain dës zwee Länner openeen treffen.

An och um Terrain ass et e spannende Match. D'USA musse gewanne fir an d'Aachtelsfinall ze kommen, den Iran muss just gläich spillen. D'USA hu bis elo an hiren zwee Matcher iwwerzeeg, zwee Gläichspiller mat enger jonker an dynamescher Ekipp.

Eng ugespaante Situatioun am Iran

An de Matcher vum Iran war d'politesch Situatioun doheem omnipresent. D'Ekipp huet virun der éischter Partie géint England entscheet, d'Nationalhymn net ze sangen. Dat gouf als Zeeche vu Solidaritéit mat de Manifestante géint de Regimm interpretéiert. Et koum zu enger 6-2 Defaite.

Den zweete Match war eng emotional Victoire géint Wales, mee virum Stadion goufen Anti-Regimm-Fändelen ewechgeholl an et koum zu verbalen Ausernanersetzungen tëscht pro-Regimm an anti-Regimm Supporter.

Op dëser WM ass et schwéier fir d'Supporter hire politesche Point de vue oppen ze weisen. D'FIFA, an d'Organisateuren aus dem Katar wëllen eng apolitesch WM, mee trotzdeem hunn e puer Leit et gepackt hir Solidaritéit mat de Manifestanten am Iran ze weisen.

Den Numm Mahsa Amini ass vereenzelt op T-Shirten ze gesinn. Der 22 Joer aler Fra hiren Doud, nodeems si hiren Higab der Police no net richteg unhat, huet zu massiven Demonstratioune gefouert, an zum Doud vu ronn 450 Leit, soe Mënscherechtsorganisatiounen.

USA-Iran am Joer 1998: Situatioun war och ugespaant

Déi leschte Kéier, wou dës zwee Länner op enger WM openee getraff sinn, war 1998 zu Lyon. De Match ass ugesinn als ee vun de politeschsten an ugespaantste Matcher an der Fussballsgeschicht.

Eng gemeinsam Foto vun den Ekippen a Blummen, déi d'Spiller aus dem Iran hiren amerikanesche Géigner ginn hunn, konnten d'Uspanung e bëssen aus dem Spill huelen.

Fir de Match haut den Owend schénge keng esou Aktioune geplangt ze sinn.

Méi zum Thema

Denis Scuto
Fussball-WM

Den Denis Scuto wäert d'WM am Katar boykottéieren, seet den Historiker a fréiere Fussballnationalspiller. Hien erwaart sech der Regierung ee klore Message, datt si fir d'Demokratie a Mënscherechter asteet.

Anne Brasseur.jpg
Fussball-WM am Katar

D'Anne Brasseur huet 2018 an engem Rapport fir den Europarot iwwer d'FIFA d'Thees opgestallt, datt dat villt Geld de Fussball futti mécht. Dat wier bei der WM am Katar och nees de Fall, fënnt si.

Net verpassen

Programm

Dossieren

  • Alles iwwer de Podcast Schlechte Schüler

    An eisem Dossier fannt dir sämtlech Episode vun eisem Podcast Schlechte Schüler, Interviewe mat Schoulexperten an déi komplett Transkripter vun den eenzelnen Episoden.

  • Chamberwalen 2023

    Den 8. Oktober gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen