Chamber-Ëmweltkommissioun Superdreckskëscht: Et soll méi Transparenz geschaf ginn

D'Diskussioune ronderëm d'Superdreckskëscht goufen e Mëttwoch an der Ëmweltkommissioun vun der Chamber nach eemol opgegraff, dat op Initiativ vun der Ëmweltministerin. No de sëllege Kriticke wéinst ontransparente Verrechnungsmethoden goufen elo weider Schrëtt a Richtung méi Transparenz versprach.

Jacques Ganser / cz / sam

Superdreckskëscht
Foto: Superdreckskëscht

Lauschteren


Reaktioune vun déi Lénk an CSV

Bei der Myriam Chechetti vun déi Lénk sinn d'Erklärunge vun der Ëmweltministerin gutt ukomm. Si gesäit d'Joëlle Welfring um richtege Wee an et wier elo wichteg, datt een d'Facturatiounen an Zukunft besser novollzéie kéint.

Den CSV-Co-Fraktiounschef Gilles Roth mengt dogéint, et wier een no den Diskussiounen "esou schlau wéi virdrun":

"[...] mir goufen annerhallef Stonn laang zougelabert mat enger ganzer Rei vun Informatiounen, wéi datt en internationalen Audit géif gemaach ginn, mee op déi essentiell Froe gouf eis keng Äntwert ginn."

J. Welfring: Zefridde mat Kooperatiounsbereetschaft

D'Ministerin selwer huet an der Kommissioun erkläert, wéi eng Kontrollméiglechkeeten een iwwer e Reviseur hätt. Weider géif een d'Gestioun vun der Superdreckskëscht par Rapport zum Gesetz vun de marchés publics préiwen, an och déi sëllege Sous-Traitance méi genee ënner d'Lupp huelen.

Et wier een amgaangen zimmlech vill Informatiounen unzefroen an Ofleef ze änneren, esou d'Joëlle Welfring. D'Ministerin ass och zefridde mat der Kooperatiounsbereetschaft vun de Responsabele vun der Superdreckskëscht.

D'Ministerin hat de Mëttwoch och en externen Expert an d'Kommissioun bestallt fir iwwer d'Kontrollméiglechkeeten no internationalem Standard ze informéieren.

Méi zum Thema

Superdreckskëscht
Offallgestioun

D'Ëmweltministesch huet gëschter ugekënnegt, si wéilt nodréiglech eng legal Basis fir de staatleche Finanzement vun der privater Offallfirma schafen. Si reagéiert domat op en Avis vum wëssenschaftlechen Déngscht vun der Chamber.

Superdreckskëscht
No Avis vu Chamberverwaltung

Am Dossier Superdreckskëscht besteet d'CSV drop, datt d'Situatioun vun der Superdreckskëscht regulariséiert gëtt. Fir si steet ausser Fro, datt d'Chamberverwaltung mat engem rezenten Avis richteg läit, sou de Gilles Roth.

Superdreckskëscht
Avis vun der wëssenschaftlecher Cellule

De Finanzement vun der Superdreckskëscht ass net esou gereegelt, wéi et d'Verfassung virgesäit, esou déi wëssenschaftlech Cellule vun der Chamber. Eng iwwerraschend Feststellung mat Konsequenzen, déi wäit ginn.

Superdreckskëscht
Superdreckskëscht

Et kéint ee punktuell Adaptatioune maachen, mee u sech wier alles an der Rei, dat ass kuerz resuméiert d'Conclusioun vum Audit iwwer d'Superdreckskëscht. Et hätt ee keng Irregularitéite kënne feststellen.

Net verpassen

Programm

Dossieren

  • Alles iwwer de Podcast Schlechte Schüler

    An eisem Dossier fannt dir sämtlech Episode vun eisem Podcast Schlechte Schüler, Interviewe mat Schoulexperten an déi komplett Transkripter vun den eenzelnen Episoden.

  • Chamberwalen 2023

    Den 8. Oktober gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen