Um Sonndeg Spannend Komplementarwalen zu Lenneng

Zu Lenneng sténken d'Lompen: e Sonnde sollen a Komplementarwalen dräi nei Gemengeréit gewielt ginn. Eng nei Ekipp mat véier Kandidate wëll de laangjärege Buergermeeschter Arnold Rippinger ofléisen.

Jacques Ganser / tt

2020-08-11-Vue-sur-Canach.jpg
Foto: Gemeng Lenneng

Et zirkuléiere Bréiwercher a Fluchziedelen, et goufen Demissiounen a Gruppementer.

An et gëtt vun der politescher Oppositioun zimmlech kloer gesot, datt de Buergermeeschter Arnold Rippinger eigentlech laang genuch do wier a just nach u sengem Stull géing pechen, et wier Zäit fir e Wiessel.

Momentan just nach sechs Leit am Gemengerot

Den Arnold Rippinger ass 2017 als fënneftgewielte Buergermeeschter vun der klenger Ostgemeng ginn, hie konnt deemools als eenzegen eng Majoritéit hannert sech bréngen. Mee no a no sin d'Leit vun der Staang gaangen, et goufen am Summer dräi Demissiounen.

Just nach sechs Leit sinn am Gemengerot. "är Equipe fir de Wiessel" gesäit sech elo als politesch Alternativ, wéi de Philipe Gengler erkläert: Et géif " ontransparent gehandelt "ginn. Et hätte Schäffen awer och Gemengebeamten ënner deem aktuelle Buergermeeschter demissionéiert. D'Zil misst elo e politesche Wiessel an der Gemeng sinn, "dann dee Moment misst een emol ufänken iwwerall an déi Dossieren era ze kucken."

Si hunn de Buergermeeschter zum Deel schonn als Kanner erlieft.

Budgetsvott gouf verréckelt

Matten an déi Kris an nëmmen e puer Deeg virun de Komplementarwale wollt de Buergermeeschter Rippinger de Budget votéiere loossen: Dorausser ass e Mëttwoch awer näischt ginn, well dräi Conseilleren sech ofgemellt haten.

Den néidege Quorum konnt doduercher net méi erreecht ginn. Dat wier net demokratesch an et wier elo endlech Zäit fir en neie Wand heescht et vun der Ekipp vu véier Leit, déi elo untrëtt fir déi dräi Sëtz ze gewannen.

Virun allem sollen déi dräi neigewielte Conseilleren de Budget matstëmmen, dat wier nëmmen demokratesch. Dräi weider Kandidature stinn un.

De Buergermeeschter selwer huet sech op eis Nofro hin net zeréck gemellt.

Méi zum Thema

US-Presidentschaftswalen 2020
Presidentschaftswalen an den USA

D'Demokraten an d'Republikaner zu Lëtzebuerg si sech just an engem Punkt eens: dës Wale sinn déi wichtegst zanter ganz Laangem. D'Michèle Sinner huet mat enger Demokratin an engem Republikaner geschwat.

Net verpassen

Programm

Dossieren

  • Buchkriticken

    D'Kulturredaktioun vum radio 100,7 presentéiert Rezensioune vu Lëtzebuerger an internationale Bicher.

  • Kulturjoer Esch2022

    Esch, zesumme mat anere ProSud-Gemengen a franséische Grenzgemengen, ass 2022 europäesch Kulturhaaptstad. An eisem Dossier fannt Dir alles iwwer d'Hannergrënn an d'Projeten, déi fir d'Kulturjoer entstoe wäerten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen