Serge Allegrezza iwwert de Sozialdialog : "Erfreelech Noriichten!"
Den Direkter vun der Statistikverwaltung STATEC begréisst, datt d’Regierung an d’Gewerkschafte sech iwwert Ännerunge bei de Spuer- a Steiermesuren eens goufen. “Dat ass eng erfreelech Noriicht”, esou de fréiere President vum Wirtschafts- a Sozialrot a Riicht Eraus hei um 100,7. Et wier och Spillraum do fir Ajustementer bei de Spuer- a Steiermesure well d’EU-Kommissioun den 28. November fest gestallt huet, datt Lëtzebuerg déi europäesch Budgetsziler dëst an d’nächst Joer erreecht.
De Serge Allegrezza huet iwwerdeems zouginn, datt déi staatlech Verwaltunge virum Depôt vum Staatsbudget net gefrot goufen, eng gemeinsam Previsioun an eng gemeinsam Evaluatioun vun de Mesuren ze maachen. Et wier wichteg, datt de Gesetzesprojet deen dëse Comité de Prévision als Institutioun verankere soll, endlech deposéiert gëtt.
Hei déi ganz Emissioun fir nozelauschteren :
