Regierung wëll Daniel Miltgen ofsetzen

Den Daniel Miltgen soll als President vum Fonds du Logement ofgesat ginn. Dat ass 100,7-Informatiounen no de leschte Freideg (6. Mäerz) am Regierungsrot décidéiert ginn.

Am Logementsministère krute mer op Nofro hi gesot, d’Regierung hätt "hir Intentioun ausgedréckt den Daniel Miltgen als President vum Fonds du Logement an als President vum Fonds d'assainissement de la Cité Syrdall ze revoquéieren". Den héije Beamte krut dat an Tëschenzäit schrëftlech matgedeelt. Der Prozedur no huet hien eng Woch Zäit fir dorop ze reagéieren. Ass d’Revocatioun bis definitiv, wiesselt den Daniel Miltgen als Premier Conseiller de Gouvernement zréck an de Wunnengsbauministère.

Den Daniel Miltgen ass als President vum Fonds du Logement ëmstridden: hie kritt vun der Ministesch reprochéiert an de leschte Joren net genuch Sozialwunnenge gebaut ze hunn. Donieft riskéiert den héije Beamten eng Enquête wéinst "Trafic d’Influence". An den nächste Woche soll en externen Audit iwwert de Fonds du Logement presentéiert ginn.

Iwwer Telefon war den Daniel Miltgen bis elo net fir eng Reaktioun z'erreechen.

Programm

Net verpassen

  • 24.4. Riicht eraus: Frank Engel

    Frank Engel

    Deen Dag, op deem d'CSV sech mam Claude Wiseler en neie President gëtt, kënnt säi Virgänger an den 100,7-Interview fir aus senger Siicht ze erklären, firwat dat net geklappt huet mat him an där gréisster Oppositiounspartei. 

Liveticker
Abonéiert eis Newsletter

Dossieren

  • Kulturjoer Esch2022

    Esch, zesumme mat anere ProSud-Gemengen a franséische Grenzgemengen, ass 2022 europäesch Kulturhaaptstad. An eisem Dossier fannt Dir alles iwwer d'Hannergrënn an d'Projeten, déi fir d'Kulturjoer entstoe wäerten.

  • Déi eeleft Editioun vum LuxFilmFest

    Trotz Pandemie gëtt de Luxembourg City Filmfestival organiséiert. Déi 11. Editioun (4.-14. Mäerz) kritt dëst Joer awer eng liicht aner Nues: Filmer ginn deels am Kino deels online gewisen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen