Regierung fuerdert verbindlecht Ziel fir erneierbar Energien an der EU no 2030
D’Lëtzebuerger Regierung ënnerstëtzt d’Fuerderung vun 8 aneren EU-Memberstaten, dass an der Europäescher Unioun och no 2020 verbindlech Zieler fir d’Sueddeutsche Zeitung de 15. Januar geschriwwen hat, stellt besonnesch de Kommissiounspresident José Manuel Barroso déi verbindlech Zieler an de Beräicher erneierbar Energien an Energieeffizienz a Fro. “Ouni des Zieler ka keng ambitiéis Klimapolitik ëmgesat ginn”, sou de grénge Staatssekretär fir Nohaltegkeet an Infrastrukturen.
De Camille Gira wollt op der anerer Säit keng präzis Fuerderung formuléieren, wat dat iwwergräifend EU-Klima-Ziel fir 2030 ugeet: "Puer Prozent erop oder erof hëllefen eis net, wann hannendrun net de politesche Wëllen ass." Och op e nationalt Klimaziel fir 2030 wollt de Camille Gira sech nach net festleeën.
D’EU-Kommissioun leet den 22. Januar hier Propose zur Energie- a Klimapolitik fir. D’Europaparlament fuerdert 3 verbindlech Zieler fir 2030: op d'mannst 30 Prozent erneierbar Energien, grad wéi (am Verglach zu 1990) 40 Prozent CO2-Emissiounsreduktiounen, a 40 Prozent méi Energieeffifzienz.
Lauschtert de Bäitraag vum Pia Oppel:
