No enger Course-Poursuite Presuméierten Täter stierft no Schëss vun der Police

Zu Ettelbréck huet d'Police gëschter Owend e presuméierten Täter erschoss. Ier et zu de Schëss koum, hätt de Mann d'Poliziste mat engem Messer attackéiert, esou de Parquet. D'IGP gouf mat enger Enquête befaasst.

cs / jcf

Police
Archivfoto

Wärend enger Police-Interventioun gëschter Owend gouf eng Persoun zu Ettelbréck vun der Police ugeschoss. D'Persoun ass gëschter Owend nach am Spidol un hire Blessure gestuerwen, deelt de Parquet an engem Communiqué mat.

Presuméierten Täter war op der Flucht

De presuméierten Täter wier op der Flucht gewiescht, nodeems hien zu Housen e Mann mat engem Messer menacéiert gehat hätt fir dem Mann säin Auto ze klauen. D'Police hätt de concernéierten Auto kënnen zu Ettelbréck stoppen.

De Chauffer wier aus dem Auto geklommen an hätt d'Polizisten mat engem Messer attackéiert. Deen Ament hätt ee vun de Poliziste mat senger Waff op de Mann geschoss, heescht et am Communiqué.

Enquête vu Justiz an IGP

Den Untersuchungsriichter vun Dikrech an de Parquet vun Dikrech waren op d'Plaz, eng Instruktioun gouf an d'Weeër geleet, D'IGP, d'General-Inspektioun vun der Police, gouf och mat enger Enquête befaasst fir d'Verhale vun der Police z'ënnersichen.

De Moie sinn op de sozialen Reseaue Videoen zirkuléiert, déi zu Ettelbréck sollen opgeholl gi sinn, an op deene Schëss ze héiere sinn.

Net verpassen

  • Offre d'emploi: Journaliste-présentateur/trice

    radio 100,7

    L'Établissement de Radiodiffusion Socioculturelle, opérateur de la radio de service public radio 100,7, recherche Un/e Journaliste-présentateur/trice sous contrat à durée indéterminée et à tâche complète (40h/semaine).

Programm

  • Notturno

  • On air

    Virum Dag vu 6 bis 10

  • Sot emol vun 10 bis 11

  • Iwwer Mëtteg vun 11 bis 2

  • Resonanzen

Dossieren

  • Olympesch Spiller 2021

    D'Olympesch Spiller fannen, mat enger Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen