Pregno: Nei Prozedur fir Ofweisung vun deboutéierten Asyldemandeure néideg
De Gilbert Pregno fuerdert e neie juristesche Kader fir d'Ausweisung vun deboutéiert Asyldemandeuren ze reegelen. De Psycholog a President vun der Mënscherechtskommissioun bezitt sech ënnert anerem op den ëmstriddene Fall vun engem 17 Joer alen albanesche Meedchen, dat viru kuerzem am Lycée Technique du Centre vun der Police sollt matgeholl ginn.
Et däerf een de Poliziste kee Reproche maachen, se hunn nëmmen op Uerder agéiert, sou de Gilbert Pregno de Moien hei op der Antenne. Villméi misst d’Regierung hir Verantwortung iwwerhuele fir datt esou Prozeduren an Zukunft anescht oflafen.
Hei den Interview mam Gilbert Pregno:
