Post sicht no Léisunge fir den defizitäre CCP
“De CCP ass eent vun eise Suergekanner”, esou de Generaldirekter vun der Post um 100,7. Mam aktuelle Modell wier d’Rentabilitéit vum Compte Courant laangfristeg net ze garantéieren. “Mir entwéckelen eis net an d’Richtung vun enger kompletter Bank, a mir halen och net op mam CCP”, esou de Claude Strasser. Op d’Fro vun enger Joint-Venture mat enger Bank ugeschwat, sot de Postdirekter, dat wier wäit an d’Zukunft geduecht, mä et wier eng vun de Pisten. Et géife scho méi laang Kontakter mat Banke ginn en vue vun enger Partnerschaft - Kontakter, déi méi rezent opgefrëscht gi wieren. Konkretes géif et awer net ginn.
De Sëtz vun der Post géif déi nächst Joeren um Aldringer bleiwen. D’Gebei op der Gare géif komplett sanéiert ginn. A 5 oder 6 Joer da kéint ee sech d’Fro vun der Zukunft vum Hotel des Postes um Aldringer stellen.
De ganze Riicht Eraus, moderéiert vum Jean-Claude Franck, kann hei nogelauschtert ginn:
