Verfassungsrevisioun Paul-Henri Meyers: D'Populatioun iwwer de Kompromësstext vun 2018 ofstëmme loossen

De Kompromëss-Text fir eng nei Verfassung, op deen CSV, DP, LSAP an déi gréng sech 2018 virun de Wale verstännegt haten, wier nach ëmmer e gudden Text. An de Plang vun deemools, fir d'Leit per Referendum driwwer ofstëmmen ze loosse, wier och ëmmer nach richteg, sou de Paul-Henri Meyers.

Maurice Molitor (Interview) / Chris Zeien (Web)

Paul-Henri Meyers

Als fréieren CSV-Deputéierte hat hie maassgeblech un deem Text matgeschafft. Hie plädéiert dofir, no deem ganzen Hin an Hir aus de leschten dräi Joer op deen Text zréckzekommen, deen no der Nummer vum document parlementaire, an deem ee steet, "de 6030" genannt gëtt.

"Nodeem ee sech esou gedréint huet kann ee sech nach eng Kéier dréinen. An et kéint ee soen: Majo vläicht ass dat déi beschte Léisung. Loosse mer op de 6030 zréckkommen, a wann nach eppes drun ze änneren ass, da kann dat nach geännert ginn."

Dee Moment hätt een dann och ee méi kohärenten Text wéi deen deen am Moment virgesinn ass, seet de Paul-Henri Meyers. Deen Text kéint een de Leit dann och an engem eenzege Referendum ënnerbreeden, sou also de Verfassungsexpert a fréieren CSV-Deputéierte Paul-Henri Meyers.

Revirement vun der CSV war bedauerlech

Eigentlech hate sech CSV, LSAP, DP an déi gréng 2018 virun de Walen op een Text gëeenegt. A si haten u sech de Virsaz geholl, en no de Walen am Parlament unzehuelen an dann dem Vollek an engem Referendum virzeleeën. Datt d'CSV vun deem Konsens op eemol näischt méi wësse wollt, schreift de Paul Henri Meyers dem deemools frësch gewielte President vun der CSV Fränk Engel zou.

"Obscho meng Partei Joerzéngtelaang matgeschafft huet an obschonn eng Verfassungsännerung net ka realiséiert ginn ouni d'Zoustëmmung an d'Zesummenhale vun deene grousse Parteien hunn ech eigentlech net richteg verstan wéi de Parteipresident op eemol Distanz geholl huet. Ech hat d'Impressioun - deemools war jo nach de Referendum am Gespréich -, dass de Parteipresident net wollt, dass d'CSV gemeinsam mat deenen anere Parteien e Referendum fir eng gemeinsam Cause géif ënnerhuelen. Wann dat de Fall wier - wat e bësse meng Impressioun war - dann ass dat awer bedauerlech."

An der Mediathéik:

Invité vum Dag / / Maurice Molitor
Lauschteren

Méi zum Thema

Chamber

Am Oktober hat d'Chamber fir en Deel vun der Verfassungsreform gestëmmt. Bis den 20. Dezember hunn ageschriwwe Wieler nach Zäit, fir ee Referendum anzefuerderen. Wat ännert sech am neien Text genee?

Ënnerschrëft
Verfassungsreform

Vun haut u kann op der Gemeng d'Demande fir ee Referendum iwwer d'Verfassungsreform ënnerschriwwe ginn. 25.000 Ënnerschrëfte si bis den 20. Dezember néideg. Ee vun den Organisateure weist sech zouversiichtlech.

Chamber
Verfassungsreform

Eng ëffentlech Petitioun fir e Verfassungsreferendum wäert an der Chamber debattéiert ginn, d'Parteie wäerte sech nach eemol zur Fro musse positionéieren. Ee Referendum kéint vum Parlament a vu Bierger declenchéiert ginn.

Simone Beissel
Verfassungsreform

Ier datt d'Ännerungen un der Verfassung gestëmmt ginn, lancéiert d'Chamber eng Informatiounscampagne. Informatioune sollen op de sozialen Netzwierker verbreet an eng Informatiounsversammlung organiséiert ginn.

Net verpassen

Programm

Dossieren

  • Buchkriticken

    D'Kulturredaktioun vum radio 100,7 presentéiert Rezensioune vu Lëtzebuerger an internationale Bicher.

  • Kulturjoer Esch2022

    Esch, zesumme mat anere ProSud-Gemengen a franséische Grenzgemengen, ass 2022 europäesch Kulturhaaptstad. An eisem Dossier fannt Dir alles iwwer d'Hannergrënn an d'Projeten, déi fir d'Kulturjoer entstoe wäerten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen