Educatioun OECD-Etüd iwwert Integratioun: Gutt Fortschrëtter mee nach vill um Leescht

Enger Etüd no huet Lëtzebuerg zwar vill Instrumenter fir eng Integratioun vun Immigranten ze fërderen - mee si géifen engersäits net genuch an Usproch geholl ginn an anerersäits géifen och déi richteg Mëttel feele fir se ze evaluéieren. Dat ass d'Konklusioun vun der Etüd, déi de Familljen- an Integratiounsministère 2020 bei der OECD an Optrag ginn huet.

Vesna Andonovic / cz

Illustratioun Integratioun

Lëtzebuerg hätt grouss Fortschrëtter a senger Integratiounspolitik gemaach, esou déi international Organisatioun. Dofir kréich de Grand-Duché eng gutt Nott - an awer bléif nach ganz vill ze dinn, esou den Thomas Liebig vun der OECD. Notamment am Beräich vum Aarbechtsmaart.

D'Offer am sproochleche Beräich misst méi divers ginn, esou den OECD-Analyst. Déi aktuell Programme wieren ze vill statesch. Et wier méi wichteg sproochlech Kompetenz-Ziler ze setze wéi d'Zuel u Sprooch-Stonnen ze definéieren, déi ee Kandidat muss maachen.

D'Integratioun vun Zouwandererkanner wier e weidert Theema an natierlech den Trilinguilismus zu Lëtzebuerg. Et misst een och den Afloss vu Reformen op Zouwandererkanner analyséieren a kucken datt déi schoulesch Leeschtungsschéier net ausernee geet.

D'OECD recommandéiert an hirem Rapport och datt Lëtzebuerg sech besser statistesch Outile gëtt, seet de Yves Breem. Den OECD-Analyst gesäit zwee Virdeeler Dat hätt engersäits de Virdeel, datt Mesurë méi geziilt kéinten analyséiert ginn an datt ee sech effikass mat anere Länner vergläiche kéint, déi änlech Probleemer haten.

D'Corinne Cahen hat d'OECD-Etude an Optrag ginn als Preparatioun fir en neit Integratiounsgesetz, dat d'nächst Joer soll prett sinn.

Méi zum Thema

Wahlen
Walrecht

Net-Lëtzebuerger mussen an Zukunft net méi fënnef Joer am Land gewunnt hunn, fir bei Gemengewalen deel ze huelen. Och den Delai, fir sech an d'Wielerlëscht anzeschreiwen, gëtt verkierzt.

Net verpassen

Programm

Dossieren

  • Buchkriticken

    D'Kulturredaktioun vum radio 100,7 presentéiert Rezensioune vu Lëtzebuerger an internationale Bicher.

  • Kulturjoer Esch2022

    Esch, zesumme mat anere ProSud-Gemengen a franséische Grenzgemengen, ass 2022 europäesch Kulturhaaptstad. An eisem Dossier fannt Dir alles iwwer d'Hannergrënn an d'Projeten, déi fir d'Kulturjoer entstoe wäerten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen