Fonction Publique Nullronn net "per Force"

Eng Nullronn an der Fonction Publique gëtt net "per Force" duerchgesat, sou den Inneminister Dan Kersch. Bei de Verhandlungen iwwert en neie Gehälteraccord misst awer net alles mat der Strenz gemaach ginn.

François Aulner

Exklusiv Dan Kersch

Een Dag nom Ufank vun de Verhandlungen mat der CGFP iwwert en neie Gehälteraccord relativéiert den LSAP-Minister Dan Kersch wat d’Koalitioun an hirem Regierungsprogramm festgehalen huet: Enn 2013 war wéinst der Situatioun vun de Staatsfinanzen eng Erhéijung vum Punktwäert ausgeschloss ginn. Am 100,7-Interview seet den Dan Kersch: "Ech soen net, dass mer musse per force eng Null-Ronn ëmsetzen."

Net alles mat der Strenz

Wann eppes op finanziellem Niveau géing gemaach ginn, da géing et awer och aner Méiglechkeete ginn, sou den Dan Kersch. Zum Beispill wéilt een d’Wuelbefannen op der Aarbecht verbesseren oder d’Familljeliewe mat der Aarbecht besser iwwertenee bréngen. "Et muss ee vläicht eng Kéier ewechkomme vun der Iwwerleeung et misst een alles mat der Strenz maachen", sou den LSAP-Minister. Den Dan Kersch wier bereet méi Zougeständnesser ze maache fir Leit, déi manner verdéngen.

Eng besser Situatioun?

D'Staatsbeamtegewerkschaft CGFP huet der Regierung am Virfeld vun de Verhandlungen iwwert en neien Accord Salarial e Fuerderungskatalog ënnerbreet. Detailer dorausser well d'Gewerkschaft net bekannt ginn, mee se verweist reegelméisseg op eng besser ekonomesch a finanziell Situatioun vum Land. "Also an enger Krisesituatioun wéi mer se an de Joren 2008, 2009 an 2010 haten, do si mer ganz sécher net méi", sou de CGFP-Generalsekretär. De Romain Wolff verweist an deem Zesummenhang op d'Nullronn vun 2010.

  • Den Dan Kersch:

 

Serie Handwierk
Liveticker

Net verpassen

  • Mam 100,7-Mikro ënnerwee

    Max Feyder

    Eise jonke Freelancer Max Feyder aka Skibi ass an den nächste Woche mam 100,7-Mikro ënnerwee, fir an der Strooss Stëmmungsbiller anzefänken an d'Leit no hirer Meenung zu bestëmmten Theemen ze froen.

Programm

  • Resonanzen

  • On air

    Vun 3 bis 6

  • Tockcity

  • Jazz Unlimited - Wynton Marsalis - Live at the House of Tribes

  • Jazz Unlimited - Nomad The Group

Dossieren

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

  • Kulturjoer Esch2022

    Esch, zesumme mat anere ProSud-Gemengen a franséische Grenzgemengen, ass 2022 europäesch Kulturhaaptstad. An eisem Dossier fannt Dir alles iwwer d'Hannergrënn an d'Projeten, déi fir d'Kulturjoer entstoe wäerten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen