Réfugiéen Nei Réfugiéen hunn nach keen Impakt op de Centre de rétention

De Retentiounszenter um Findel, wou ofgewisen Asyldemandeuren an Auslänner ouni Pabeieren ënnerbruecht ginn, wier réischt betraff wann d’Prozedure vun de neien Asyldemandeuren definitiv eriwwer sinn, esou de Vincent Sybertz, Direkter vun der Struktur.

Sybertz.jpg

D’Prozedure sinn elo amgaang an et misst een ofwaarde wéi déi ausginn, esou de Vincent Sybertz. Hie geet dovunner aus, datt déi grouss Majoritéit vun de Réfugiéen, déi an de läschte Méint zu Lëtzebuerg ukomm sinn, international Protektioun accordéiert kréien. ”An deem Sënn denken ech, datt mer net iwwerméisseg belaascht wäerte ginn.”

Den Direkter vum Centre de rétention ass och zefridde well fënnef zousätzlech Mataarbechter am Januar rekrutéiert ginn. En Ausbau vun de Strukturen ass iwwerdeems net virgesinn, ënnert anerem well net méi vill Plaz um Standuert wier. Par konter entstinn nei Capacitéiten, well den Deel, dee fir Frae virgesi war an Zukunft fir Männer fräi gëtt. “Mir hu ganz wéineg Fraen a Retentioun, Mol net eng pro Mount am Duerchschnëtt.”

Am Centre de rétention kënnen theoretesch 88 Persounen ënnerbruecht ginn. Et gouf awer decidéiert Duebelzëmmer just eenzel ze besetzen, well dat net ze geréiere wier. D’Zëmmere sinn och relativ kleng a wann een d’Leit géing forcéieren zesummen an een Zëmmer ze goen, obwuel se dogéint sinn, da wier dat wéi eng Strof, seet de Vincent Sybertz. “Mir sinn als Institutioun net do fir d’Leit ze bestrofen.”

Alternativen

Mam Gesetzprojet iwwert d’international Protectioun, deen am Moment an der zoustänneger Chamberkommissioun iwwerschafft gëtt, sollen Alternativen zur Retentioun proposéiert ginn. Zum Beispill Hausarrest oder elektronesch Foussfessel.

Dem Direkter vum Centre de rétention um Findel seet et wier wichteg Alternativen ze hunn, mee laanscht Retentioun kéim ee net. “Mee et ännert näischt drun, datt der ultima ratio wäert musse kennen op d’Retentioun zeréckgräifen”, esou de Vincent Sybertz.

D’Viraussetzung fir e gutt Zesummeliewen am Retentiounszenter, ass dem Vincent Sybertz no géigesäitege Respekt. Dat géing um Findel och gutt funktionéieren.

Total illegal

De Profil vun de Leit déi am Centre de rétention am Moment ënnerbruecht si beschreift de Vincent Sybertz esou. Meeschtens sinn et “Total Illegaler”, also Auslänner ouni Pabeieren, déi net kennen noweisen vu wou se sinn. Dacks wieren et Leit déi Kontakt mam Droge-Milieu hätten an dacks géing sech erausstellen, datt et Leit aus dem Maghreb an aus dem Nigeria sinn, esou den Direkter vum Retentiounszenter.

 

An der Mediathéik:

Invité vum Dag / /
Lauschteren

Net verpassen

  • 17.10. De Gudden Toun

    De Gudden Toun.jpg

    Wann d'Deeg méi kal, gro a kuerz ginn, stécht deen een oder anere vläicht de Kapp nees méi an déi sozial Medien. An der Oktober Editioun schwätzen de Roland Meyer, Ian De Toffoli, Raoul Biltgen, Jeff Schinker an d'Anne Klein.

Programm

Dossieren

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

  • Olympesch Spiller 2021

    D'Olympesch Spiller fannen, mat engem Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen